¶ 1 BEA nae folofola be a Jihova kia Jobe, o behe,

2 Ko ia oku ne fakakikihi ki he Mafimafi te ne akonaki‘i ia? koia oku ne valoki‘i ae Otua, tuku ke ne talia ia.

¶ 3 Bea nae toki tali e Jobe kia Jihova, o ne behe,

4 Vakai kuou kovi; koeha teu tali aki koe? teu ai hoku nima ki hoku gutu.

5 Kuou lea o tuo taha; ka e ikai teu toe lea: io, kuo tuo ua; ka e ikai teu toe lea atu.

¶ 6 Bea nae toki folofola a Jihova kia Jobe mei he ahiohio, o behe,

7 Koeni, ke ke nonoo ho nootagavala o tāu moe tagata: bea teu eke kiate koe, bea ke fakaha mai kiate au.

8 Te ke fakataeoga‘i a eku fakamāu foki? te ke fakahalaia au, koeuhi ke ke maonioni koe?

9 Kuo ke ma‘u ae nima o hage koe Otua? be oku ke faa mana koe aki ae le‘o o hage koia?

10 Koeni, ke ke teu‘i koe aki ae mafimafi moe geia; mo ke kofu aki koe ae nāunāu moe toulekeleka.

11 Tufaki ke mamao ae tubutamaki o ho houhau: bea vakai kiate kinautolu taki taha kotoabe oku laukau, o fakavaivai ia.

12 Vakai kiate ia kotoabe oku fielahi, bea o hifo ia ki lalo; bea molomoloki hifo ae kau agahala i ho nau botu.

13 Fakafufu akinautolu fakataha i he efu; bea nonoo ho nau mata i he lilo.

14 Bea teu toki fakamooni kiate koe e faa fakamoui koe e ho nima toomatau oou.

¶ 15 Koeni, ke ke vakai ki he biimote, aia kuou gaohi mo koe; oku ne kai mohuku o hage koe faga bulu:

16 Vakai, oku i hono fajiatua a hono malohi, mo ene mafai oku i he bito o hono kete.

17 Oku ne ue‘i hono iku o hage koe sita: koe uoua o hono tega oku fefihitaki fakataha.

18 Ko hono gaahi hui oku tatau moe gaahi koga balasa malohi; oku tatau hono gaahi hui moe gaahi vaa aione.

19 Koe lahi ia oe gaahi gaue ae Otua: ko ia naa ne gaohi ia oku ne faa fai ke fakaofi ene heleta kiate ia.

20 Koe mooni, oku tubu hake i he gaahi mouga ae mea kai maana, aia oku fakava ai ae gaahi manu kotoabe oe goue.

21 Oku tokoto ia i he lolo akau malumalu, i he lilolilo oe kaho, moe gaahi ano.

22 Koe gaahi akau malumalu oku ufiufi ia aki ho nau ata; oku tuu takatakai iate ia ae gaahi uilou oe vaitafe.

23 Vakai, oku ne inu ae vaitafe o maha, bea ikai tootoo: oku tui ia te ne faa mimiji hake a Joatani ki hono gutu.

24 Oku ne ma‘u ia aki hono mata: oku ne tui‘i ae gaahi tauhele aki hono iku.