¶ 1 BEA nae toki tali e Elifasi mei Timani, o ne behe,

2 He oku tāu moe tagata boto ke lau mea vaiga, mo fakabito hono kete aki ae matagi hahake?

3 Oku tāu ene lea aki ae lea taeaoga? be koe gaahi lau e ikai te ne lava‘i aki ha lelei?

4 Io, oku ke liaki ae manavahe, bea ke taofi ae lotu i he ao oe Otua.

5 He oku lea aki e ho gutu a hoo agahala, ka oku ke fili ki he elelo oe fakaoloolo.

6 Oku talatalaaki‘i koe e ho gutu be oou, kae ikai ko au: io, ko ho lougutu be oou oku fakamooni kiate koe.

7 He koe uluaki tagata koe nae fanau‘i? be nae fakatubu koe i mua i he gaahi mouga?

8 He kuo ke fanogo ekoe ki he mea fufu ae Otua? bea oku ke fakagata ae boto kiate koe?

9 Koeha oku ke ilo, ka oku ikai te mau ilo? koeha oku ke ilo bau, aia oku ikai iate kimautolu?

10 Oku iate kimautolu ae ulu hina moe kau mātua, oku motua lahi i hoo tamai.

11 He oku jii ae gaahi fakafiemalie ae Otua kiate koe? he oku ai ha mea fakalilolilo iate koe?

12 Koeha oku avea ai koe e ho loto? bea oku lalama ho mata i he ha;

13 Koeuhi oku ke fakafoki ho loto ke tuu ki he Otua, bea tuku ke tafe ae gaahi lea ni mei ho gutu?

14 Koeha ae tagata, ke behe oku maa ia? be ha taha oku fanau‘i e he fefine, ke behe oku tonuhia ia?

15 Vakai, oku ikai falala jii eia ki he ene kau maonioni; io, naa moe gaahi lagi oku ikai maa ia i hono ao.

16 Ka e fefe hono lahi hake oe fakalielia moe uli oe tagata, aia oku ne inumia ae agahala o hage ha vai?

17 Teu fakaha kiate koe, fanogo kiate au; bea koia kuou mamata ai teu fakamatala atu;

18 Aia nae tala e he kakai boto mei he e nau gaahi tamai, o ikai fufu ia:

19 Akinautolu be nae foaki ki ai ae fonua, bea nae ikai fealuaki ha muli iate kinautolu.

20 Oku laga mamahi ae tagata agahala i he aho kotoabe, bea oku fufu mei he fakaaoao ae lau oe gaahi ta‘u.

21 Koe ogo fakailifia oku i hono teliga: i he lolotoga o ene monuia e hoko kiate ia ae fakaauha.

22 Oku ikai amanaki eia ke ne liu mai mei he fakabouli, bea oku talia ia e he heleta.

23 Oku alu fano be ia o kumi ae ma, o behe, Komaa ia? oku ne ilo oku ofi ae aho oe fakabouli.

24 E fakamanavahe‘i ia e he mamahi moe feiga; te na ikuna ia, o hage ha tu‘i kuo teu ki he tua.

25 He oku ne mafao atu hono nima ki he Otua, o ne fakamalohi ia o tuu ki he Mafimafi.

26 Oku ne ohofi kiate ia, io ki hono kia, ki he gaahi botu matolu o hono jifa fatafata:

27 Koeuhi oku ne fai ke fuu bubula hono mata, bea ne fagabeji ke matolu ae gako i hono gaahi botu.

28 Ka oku ne nofo i he gaahi kolo lala, i he gaahi fale oku ikai nofo ai ha taha, aia kuo tuutuuni koe gaahi tuuga veve.

29 E ikai koloaia ia, e ikai tuu mau ene gaahi mea, bea e ikai te ne faa fai ke fakatologa hono lelei i he fonua.

30 E ikai alu ia mei he fakabouli; e maagia e he afi a hono gaahi vaa, bea i he mānava o hono fofoga e mole atu ia.

31 Ke oua naa falala ia aia kuo kākā‘i ki he vaiga: he ko hono totogi koe vaiga be.

32 E fakamooni eni i he heeki hoko hono aho, bea e ikai mauiui hono vaa.

33 E lulu eia ke to hono fuhi kalebi taemomoho o hage be koe vaine, bea te ne fakamokulu hono fiji o hage be koe olive.

34 He koeuhi e lala ae fakatahaaga oe kau agahala, bea e fakaauha e he afi ae gaahi fale nae ma‘u aki ae koloa kovi.

35 Oku nau tuituia i he bauu, bea nau fanau‘i ae vaiga, bea oku teuteu e ho nau loto ae kākā.