¶ 1 BEA nae toki tali e Elifasi mei Timani, o ne behe,

2 E faa aoga ae tagata ki he Otua, o hage oku aoga aia oku boto kiate ia be?

3 He oku aoga ki he Mafimafi a hoo maonioni? be aoga ki ai a hoo fakahaohaoa ho gaahi aluaga?

4 He te ne tautea koe ko ene manavahe kiate koe? te ne fai koa mo koe ae fakamāu?

5 Ikai oku lahi aubito hoo agahala? bea taegata mo hoo gaahi hia?

6 He kuo ke ma‘u taetotonu ae totogi mei ho kaiga, bea kuo ke faao mei he telefua ho nau kofu.

7 Nae ikai te ke fakainua ae vaivai aki ae vai, bea kuo ke taofi ae ma mei he fiekaia.

8 Ka nae oe tagata malohi ae fonua; bea nofo ai ae tagata ogoogolelei.

9 Kuo ke fekau atu tae ha mea ae kau fefine kuo mate ho nau unoho, bea kuo feji‘i ae nima oe kau tamai mate.

10 Koia kuo kabui ai koe e he gaahi tauhele, bea ke bubutuu i he manavahe kuo fakafokifa;

11 Bea koe fakabouli ke oua naa ke mamata; bea ufiufi koe e he gaahi vai lahi.

12 Ikai oku i he lagi i oluga ae Otua? bea ke vakai ki hono maoluga fau fau oe gaahi fetuu lahi!

13 Ka ke behe ekoe, Oku ilo fefe e he Otua? bea e faa fakamāu eia i he loto ao fakabouli?

14 Koe ufiufi kiate ia ae gaahi ao matolu, aia oku ikai te ne mamata ai; bea oku haele be ia i he haeleaga i he lagi.

15 He kuo ke fakailoga‘i ekoe ae hala motua nae fou ai ae kakai agahala?

16 Akinautolu nae tuuji hifo i he teeki hoko ho nau kuoga, akinautolu nae lomaki ho nau tuuga aki ae vai:

17 Akinautolu nae behe ki he Otua, Alu iate kimautolu: bea koeha e faa fai e he Mafimafi maa nautolu?

18 Ka naa ne fakabito aki ae gaahi mea lelei ho nau gaahi fale: ka oku mamao iate au ae fakakaukau oe agahala.

19 Oku mamata ki ai ae maonioni, bea fiefia: bea oku kata manuki kiate kinautolu e he taeagahala.

20 Koeuhi nae ikai tuuji e tau koloa, ka ko ho nau toe oku fakaauha e he afi.

21 Fai ke ke ilo‘i ia, bea ke melino: bea koia e hoko ai ae lelei kiate koe.

22 Oku ou kole kiate koe, ke ke ma‘u ae fono mei hono gutu, bea ke fao ki ho loto a ene gaahi folofola.

23 Kabau te ke tafoki ki he Mafimafi, e laga hake koe, bea te ke tukuage ke mamao ae hia mei ho gaahi fale.

24 Bea te ke toki fokotuu ae koloa o hage koe efu, moe koula o Ofeli o hage koe gaahi maka teka oe tafeaga vai.

25 Io, e hoko ae Mafimafi ko ho fakaū, bea te ke ma‘u o lahi ae siliva.

26 He te ke toki fiefia i he Mafimafi, bea haga hake ho mata ki he Otua.

27 Te ke fai hao lotu kiate ia, bea te ne ogo‘i koe, bea te ke fai hoo gaahi fuakava.

28 Te ke tuutuuni foki ha mea, bea e fakamooni ia kiate koe: bea e ulo ae māma ki ho gaahi hala.

29 Oka ai ha to ki lalo, te ke toki behe, Oku ai ae hakeaki‘i; bea e fakamoui eia ae agavaivai.

30 E fakahaofi eia ae fonua motu oe taeagahala: bea oku hao ia i he maonioni o ho nima.