¶ 1 BEA nae toki tali e Bilitati mei Suaa, o ne behe,

2 E fefe hono fuoloa o hoo lea behe be? bea tatau moe matagi malohi ae gaahi lea a ho gutu?

3 He oku fakahala e he Otua ae fakamāu? be fakahala‘i e he Mafimafi ae agatonu?

4 Kabau kuo agahala a hoo fānau kiate ia, bea kuo ne liaki akinautolu koe mea i he e nau fai hala;

5 Kabau te ke kumi vave ki he Otua, bea fai hoo faa hu tāumau ki he Mafimafi;

6 Kabau kuo ke maa mo agatonu; koe mooni e a hake ia maau, bea te ne gaohi ke monuia ae nofoaga o hoo maonioni.

7 Ne ogo ae jii a ho kamataaga, ka e fakalahi aubito ho ikuaga.

8 Koeni, oku ou kole kiate koe, ke ke fehui ki he kuoga i mua, bea ke teu‘i koe ke ke eke ki he e nau gaahi tamai:

9 (He oku oe aneafi be akinautolu, bea tae ilo ha mea, koeuhi oku tatau ho tau gaahi aho i mamani moe ata:)

10 Ikai e akonaki‘i koe ekinautolu, o tala kiate koe, bea hua aki mai ae gaahi lea mei ho nau loto?

11 E faa tubu ae mohuku oe anovai ka i he kelebulu be? e faa tubu ae kaho ka i he vai be?

12 He oku lolotoga ene kei mata, o ikai ta, oku tomua mae ia i he akau kotoabe.

13 Oku behe be ae aluaga okinautolu oku fakagalo‘i ae Otua; bea koe amanaki ae malualoi e auha ia:

14 Ko ene amanaki e tuuji ia, bea ko ene falalaaga koe matamata kubega oe hina.

15 E faaki ia ki hono fale, ka e ikai tuu ia: e buke mau eia ki ai, ka e ikai te ne tologa.

16 Oku mauiui ia i he mata oe laa, bea tubu hono vaa i he ene goue.

17 Ko hono gaahi aka oku fefihifihitaki i he tafugofuga, o ilo‘i ae botu makamaka.

18 Kabau te ne fakaauha ia mei hono botu, bea e toki fakafiji ia, o behe, Nae ikai teu mamata kiate koe.

19 Vakai, koe fiefia eni a hono hala, bea e toe tubu ae niihi mei he kelekele.

20 Vakai, e ikai jiaki e he Otua ha taha haohaoa, bea e ikai tokoni‘i eia ae kau fai kovi:

21 Kae oua ke ne fakabito ho gutu i he kata, mo ho lougutu i he fiefia.

22 Ko kinautolu oku fehia kiate koe e fakakofu aki ae ma; bea e fakaauha ae nofoaga oe agahala.