¶ 1 BEA nae toki tali e Jobe, o ne behe,

2 E fefe hono fuoloa mo hoo mou fakafiu‘i hoku laumalie, mo lailaiki aki au ae gaahi lea.

3 Ko hono liuga hogofulu eni mo hoo mou manuki‘i au: bea oku ikai te mou ma i hoo mou fai o hage koe kau muli kiate au.

4 Bea kabau mooni kuou he, oku iate au be eku he.

5 Bea kabau mooni te mou fai fielahi kiate au, bea talatalaaki‘i au aki hoku manukiaaga:

6 Mou ilo eni, kuo fulihi au e he Otua, bea ne kabui au aki hono kubega.

7 Vakai, oku ou tagi koeuhi koe fakamalohi, ka oku ikai ogo‘i au: oku ou tagi kalaga ka oku ikai ha fakamāu.

8 Kuo ne fele‘i hoku hala ke oua naaku alu, bea kuo ne ai ae fakabouli i hoku gaahi hala.

9 Kuo ne fakamajiva‘i au i hoku nāunāu, bea kuo ne too ae tatā mei hoku ulu.

10 Kuo ne fakaauha‘i au mei he botu kotoabe, bea kuou mole: bea kuo ne taaki eku amanaki o hage ha akau.

11 Kuo ne tutu foki a hono houhau kiate au, bea oku ne lau‘i au koe taha o hono gaahi fili.

12 Oku fakataha ene gaahi kau tau, o nau keli takataka‘i iate au, bea nofo fakatakamilo i hoku fale.

13 Kuo ne fakamamao atu hoku kaiga iate au, bea ko eku gaahi kaumea oku mahui aubito meiate au.

14 Kuo mahui hoku gaahi kaiga iate au, bea kuo fakagalogalo‘i au e hoku gaahi kaiga feofoofani.

15 Ko kinautolu oku nofo i hoku fale, mo eku kau kaunaga, oku nau lau au koe muli, koe taha kehe au i ho nau ao.

16 Naaku ui ki he eku tamaioeiki, ka nae ikai te ne tali; neu fakakolekole aki hoku gutu ki ai.

17 Kuo fakalielia a eku mānava ki hoku unoho, ne ogo a eku fakakolekole koeuhi koe fānau a hoku jino ooku.

18 Io, nae manuki‘i au e he fānau iki, oku ou tuu hake bea nau lauikovi‘i au.

19 Kuo fehia kiate au a hoku gaahi kaiga feofoofani kotabe, bea ko kinautolu neu ofa ki ai kuo liliu o agatuu kiate au.

20 Oku biki hoku gaahi hui ki hoku kili o hage ko hoku kakano, bea kuou hao moe kili o hoku kau nifo.

21 Ofa mai kiate au, ofa mai kiate au, akimoutolu ko hoku kaiga; he kuo ala kiate au ae nima oe Otua.

22 Koeha oku mou fakataga ai au o hage koe Otua, bea mou tae fiu i hoku kakano?

23 Taumaiā kuo tohi a eku gaahi lea! taumaiā kuo tohi ia i ha tohi!

24 Koeuhi ke tohi togi ia aki ae beni ukamea moe bulu i he maka ke taegata!

25 He oku ou ilo oku moui a hoku Huhui, bea e tuu ia i mamani i he aho fakamui.

26 Bea ka oji hoku kili bea maumau hoku jino, ka teu mamata i hoku kakano ki he Otua:

27 Aia teu mamata ki ai maaku, bea e vakai ki ai a hoku mata, bea ikai ha taha kehe; ne ogo ae auha a hoku gaahi kubu‘i jino iate au.

28 Ka e lelei hoo mou behe, Koeha oku tau fakataga ai ia? he oku iate au ae tefito oe mea lelei.

29 Ke manavahe akimoutolu ki he heleta: he oku omi e he ita ae gaahi tautea oe heleta, koeuhi ke mou ilo oku ai ae fakamāu.