¶ 1 BEA nae toki folofola a Jihova kia Jobe mei he ahiohio, o behe,

2 Kohai eni oku ne fakabouli‘i ae fakakaukau aki ae gaahi lea oe tae ilo?

3 Koeni, ke ke nonoo ho nootagavala o gali moe tagata; he teu eke kiate koe, bea ke fakamatala mai kiate au.

4 Naa ke ife koe i he eku ai ae gaahi tuuga o mamani? fakaha mai, kabau oku iate koe ae faa ilo.

5 Kohai naa ne ai hono gaahi fuofua oia, o kabau oku ke ilo? be kohai naa ne falo ae afo ki ai?

6 Oku fakamau ki he ha a hono gaahi tuuga oia? be kohai naa ne ai a hono maka tuliki oia;

7 Aia nae hiva fiefia fakataha ai ae gaahi fetuu oe bogibogi, bea kalaga fakafiefia ai ae gaahi foha kotoabe oe Otua?

8 Be kohai naa ne tabuni ae tahi aki ae gaahi mataba, i he ene ba mai, o hage ko ene buna mei he manāva?

9 I he eku gaohi ae ao koe kofu oia, bea koe fakabouli matolu ko hono noo oona.

10 O keli hake ae botu naaku tuutuuni ki ai, o ai ki ai ae gaahi bou moe mataba.

11 Beau behe, Te ke ha‘u ki heni, bea gata ai: bea e lolomi i heni hoo gaahi beau laukau?

12 Naa ke fekau ki he bogibogi talu hoo gaahi aho; bea bule ki he hegihegi oe aho ke ne ilo hono botu:

13 Koeuhi ke ne buke ki he gaahi gataaga oe fonua, koeuhi ke tubei mei ai ae kakai agahala.

14 Oku liliu ia o hage koe umea ki he fakailoga; bea oku nau tuu o hage koe kofu.

15 Ka oku taofi mei he kau agahala e nau māma, bea e feji‘i ae nima maoluga.

16 Naa ke hu koe ki he gaahi matavai oe tahi? be naa ke eveeva ke kumi ae loloto?

17 Nae too ae gaahi mataba oe mate kiate koe? be naa ke mamata ekoe ki he gaahi mataba oe malumalu oe mate?

18 Naa ke ilo‘i ae māukubu oe fonua? fakaha o kabau oku ke ilo ia kotoabe.

19 Koefe ae hala oku nofo ai ae māma? bea koe bouli, komaa ia ae botu oona.

20 Koeuhi ke ke ave ia ki hono gataaga oona, bea koeuhi ke ke ilo ae gaahi hala ki he fale oia?

21 Kuo ke ilo ia, he nae fanau‘i koe i he kuoga koia? be koeuhi kuo lahi hono lau o ho gaahi aho?

22 Naa ke hu koe ki he gaahi faoakiaga oe uha hinehina? be naa ke mamata koe ki he gaahi faoakiaga oe uha maka,

23 Aia kuou tuku ki he kuoga oe fakamamahi, ki he aho oe fekeikei moe tau?

24 Oku vahevahe fefe‘i ae māma, aia oku ne tufaki ke mamao ae matagi hahake i he fonua?

25 Kohai kuo ne vahe‘i ae tafeaga vai ki he mahuohua oe gaahi vai, be koe hala ki he uhila oe mana;

26 Koeuhi ke bule ke uha ki he fonua aia oku ikai i ai ha tagata; ki he toafa, aia oku ikai i ai ha tagata;

27 Ke fakafiemalie ae kelekele lala mo liaki; ke fakatubu ae moto oe akau vaivai?

28 Kohai ae tamai ae uha? be kohai kuo ne fakatubu ae gaahi tuluta oe hahau?

29 Nae ha‘u ae vai fefeka mei he manāva ohai? bea kohai naa ne fakatubu ae falositi hinehina oe lagi?

30 Kuo fufu ae gaahi vai o hage koe maka, bea kuo fakafefeka ae fuga oe loloto.

31 Oku ke faa bule‘i ekoe ae gaahi malohi melie o Beliatisi, be vete ae gaahi ha‘i o Olioni?

32 Oku ke faa omi ekoe a Masaloti i hono kuoga? be te ke faa fakahinohino a Aakitulio mo hono gaahi foha?

33 Oku ke ilo‘i ae gaahi tuutuuni oe lagi? oku ke faa fokotuu ene bule ki he fonua?

34 Oku ke faa hiki hake ekoe ho le‘o ki he gaahi ao. koeuhi ke ufiufi aki koe ae gaahi vai lahi?

35 Oku ke faa fekau atu ae gaahi uhila, koeuhi ke nau alu, o nau behe kiate koe, ko kimautolu eni?

36 Kohai kuo ne ai ae boto ki he gaahi botu i loto? be kohai kuo ne foaki ae faa ilo ki he loto?

37 Kohai oku faa lau ae gaahi ao i he boto? be kohai te ne faa taofi ae gaahi hina oe lagi?

38 Oka tubu o fefeka ae efu, bea biki fakataha ae tuutaga kelekele.

39 He te ke tuli ae mea kai ma ae laione? be fakamakona ae fiekaia oe faga laione mui,

40 Oka nau ka tokoto i ho nau gaahi ana, bea nofo be o lama i he botu lilo?

41 Kohai oku ne tokonaki ae mea kai ki he leveni oka tagi hono fagaga ki he Otua. i he e nau he koe majiva kai?