¶ 1 OKU ke faa fuji hake ae levaiatani aki ae mātau? be ko hono elelo aki ae afo oku ke tukutuku hifo?

2 Oku ke faa ai ae mātau ki hono ihu? be vili ke aji hono kouahe aki ae tala‘i akau?

3 Te ne fai ene gaahi hu tāumau kiate koe? te ne lea aki ae gaahi lea malu kiate koe?

4 Te ne fai ae fuakava mo koe? te ke ma‘u ia ko hoo tamaioeiki o taegata?

5 Te ke fakava mo ia o hage koe manu buna? be te ke nootaki ia maa hoo kau taahine?

6 E fai katoaga aki ia e ho kaumea? te nau vahevahe ia ki he kakai fakatau?

7 Oku ke faa fakabito hono kili i he tao ukamea talatala? be ko hono ulu i he tao hoka ika?

8 Hilifaki ho nima kiate ia, manatu ki he tau, bea oua naa toe fai ha mea.

9 Vakai, oku taeaoga ke amanaki kiate ia: ikai e to ki lalo ha toko taha i he mamata be kiate ia?

10 Oku ikai ha toko taha oku loto lahi e fie ue‘i ia ke tuu hake: bea ka kuo behe kohai koa e faa tuu i hoku ao?

11 Kohai kuo ne tomua fai kiate au koeuhi keu totogi ia? koe mea kotoabe oku i lalo lagi oku aaku ia.

12 E ikai teu fakabuli hono gaahi koga, be ko hono malohi, be ko hono matamata lelei.

13 Kohai te ne faa ilo ae mata o hono kofu? be kohai e faa ha‘u kiate ia moe balaiteli lou ua?

14 Kohai te ne faa too ae mataba o hono mata? oku fakailifia hono gaahi nifo oku takatakai.

15 Oku viki ia i hono gaahi uno, aia oku tabuni fakataha o hage koe mea buluji mau.

16 Oku fegutaki behe ae taha ki he taha, aia oku ikai faa hu ai ae matagi i ho na vahaa.

17 Oku nau fehokotaki, o febikitaki fakataha, bea e ikai faa vahe‘i.

18 I he ene mafatua oku ulo ai ae māma, bea oku tatau hono mata moe laumata oe bogibogi.

19 Oku alu atu mei hono gutu ae gaahi māma ulo, oku buna mei ai kitua ae gaahi kalofiama.

20 Oku alu atu i hono ava‘i inu ae ohuafi, o hage koe kulo vai kuo lili, be koe fuu kulo.

21 Oku tutu e he ene mānava ae malala, bea oku ulo mai ae afi mei hono gutu.

22 Oku nofo ae malohi i hono kia, bea oku liliu ae mamahi koe fiefia i hono ao.

23 Ko hono gaahi io‘i kakano oku biki fakataha: oku malohi ia i ai; oku ikai faa ue‘i.

24 Oku malohi hono loto o hage koe maka; io, oku fefeka o hage koe koga oe maka tokalalo oe mea momoji.

25 Oka fokotuu hake ia ki oluga, oku manavahe ae kau malohi: koe mea i he faa maumau oku nau fakamaa akinautolu.

26 Koe heleta oia oku ne ta kiate ia oku ikai tau; be koe tao, be koe tokotoko, moe kofu tau.

27 Oku tatau kiate ia ae aione moe mohuku, ae balasa moe akau bobo.

28 E ikai hola ia i he gahau: oku ne liliu ae gaahi makata koe veve.

29 Oku ne ui ae gaahi gahau koe mohuku momoa: oku kata ia i he aboabo oe tao.

30 Oku i lalo iate ia ae gaahi maka majila: oku ne folahi ki he belebela ae gaahi mea majila.

31 Oku ne fakalili ae loloto o hage koe kulo: oku ne gaohi ke tatau ae tahi moe ibu oe mea tākai.

32 Oku ne fakagigila ae hala kimu: iate ia; e mahalo e ha taha oku hinehina ae loloto.

33 Oku ikai hano tatau i he fonua, aia kuo gaohi ke tae manavahe.

34 Oku ne vakai ki he gaahi mea maoluga kotoabe: koe tu‘i ia ki he gaahi fānau kotoabe oe laukau.