Ko Ha Pōpoaki mei he Kau Palesitenisī ‘Uluakí
Si‘omau Ngaahi Kaungāme‘a Kei Si‘i,
‘I he māhiná ni ‘oku fakafiefia‘i ai ‘e he Kaume‘á ‘a hono ta‘u 50—pea mo ha kamata fo‘ou. ‘I he kimu‘á ne fa‘a lau pē ‘a e Kaume‘á he fānau na‘e lea faka-Pilitāniá. ‘I he taimi ní ‘e lava ke ma‘u ia ‘e he fānaú, ‘i he lea fakafonua ‘e 48 ‘i he funga ‘o e māmaní. Ko ‘emau faka‘amú ‘e lava ke fiefia ‘a e fānau Palaimeli kotoa pē he Kaume‘á ‘i honau ‘apí pea vahevahe ia mo e ni‘ihi kehé.
‘Oku feinga ‘a e fānau Palaimeli hangē ko koé, ‘i he funga ‘o e māmaní ke muimui ‘ia Sīsū. Ko e tokotaha kotoa pē ko e fānau pelepelengesi ia ‘a e ‘Otuá. ‘I ho‘o lau e Kaume‘á, te ke ‘ilo ai ‘a e ngaahi kaungāme‘a ko ‘ení. Te ke ako fekau‘aki mo e ongoongolelei kuo fakafoki maí. Pea te ke ongo‘i ofi ange ai ki ho‘o kaungāme‘a mo‘oni tahá, ‘a hotau Fakamo‘ui ko Sīsū Kalaisí.
Faka‘apa‘apa Atu,
Kau Palesitenisī ‘Uluakí
Kumi Fuká
Kumi e ngaahi peesi mei he ngaahi fonua kehekehe ko ‘ení. Hili ia pea faka‘ilonga‘i e ngaahi fuka ‘i laló!
-
Kana
-
Kōlea Tonga
-
Kānata
-
Sipeini
-
Siamane
-
Penīni
-
‘Āsenitina
-
Mekisikou
Feitu‘u ‘Oku Mau Lau Ai ‘a e Kaume‘á
‘Oku puke hake ‘e he fānau ko ‘ení mei Kana ‘enau tatau ‘o e Kaume‘á. ‘Omi kiate kimautolu ha la‘itā ‘o koe pe ko ho‘o kalasi Palaimelí ‘oku nau puke ‘a e Kaume‘á. Fakapapau‘i ke fakakau ai ha tohi fakangofua ‘a e mātu‘á (vakai ki he takafi ‘i muí).
Tā fakatātā ‘a e Adobestock.com