Nima Fietokoni ‘i he funga ‘o e Māmaní
Fe‘iloaki mo Sitela mei Kana
Fe‘iloaki mo e fānau Palaimeli ‘oku nau tokoni‘i e ni‘ihi kehé, hangē ko ia na‘e fai ‘e Sīsuú.
Ngaahi me‘a kotoa fekau‘aki mo Sitelá
Ta‘u motu‘á: 11
Mei: Kana
Ngaahi Lea Fakafonuá: Faka-Pilitānia mo e Faka-Tuai
Fāmili: Fa‘ē, Tamai mo e tuonga‘ane si‘is‘i, ko Ioā
Ngaahi taumu‘á mo e faka‘amú: 1) Ngāue fakafaifekau, hangē ko ‘ene fa‘eé. 2) Mali ‘i he temipalé. 3) Hoko ko ha tokotaha palani ākenga vala.
Lau folofola ‘a Sitela mo hono tuonga‘ané.
Ko e Ongo Nima Fietokoni ‘o Sitelá
‘I he meimei ‘aho kotoa pē, te ke lava ‘o ma‘u ‘a Sitela mo hono fāmilí ‘oku nau ‘a‘ahi ki he fefine pule ‘i honau fale nofototongí. ‘Oku ‘ikai ke nau kāinga mo ia, ka ‘oku ui ia ‘e Sitela mo hono tuonga‘ané ko “Kulenimā Sesilia.” ‘Oku pehē ‘e Sitela, “‘Okú ne ta‘u 83, pea ‘oku ‘ikai ke ‘i ai ha‘ane fānau.” Na‘e fakatokanga‘i ‘e Sitela mo hono fāmilí na‘á ne fie ma‘u tokoní pea pehē ke “ohi” mai ia.
‘Oku ‘oatu ma‘u pē ‘e Sitela ‘ene nima fietokoní ‘aki hono tafi mo mopi ‘a e faliki ‘a Kulenimā Sesiliá. Ko hono tauhi ‘o ha ‘api ma‘á ko ha founga mahu‘inga ia ke mo‘ui lelei ma‘u peé. Ko ia ‘oku fai ai ‘e Sitela ‘a e me‘a ‘oku tokoni lahi kia Kulenimā Sesilia. ‘Oku pehē ‘e Sitela, “Na‘e tokoni‘i ‘e Sīsū Kalaisi ‘a e ni‘ihi kehé, ko ia ‘oku ue‘i fakalaumālie ai au ke u tokoni‘i ia. ‘Oku ou ‘ilo ‘oku fiefia ‘a Sīsū Kalaisi mo ‘Ene Tamaí ‘i he taimi ‘oku ou ngāue tokoni aí.” ●
Ngaahi Me‘a ‘Oku Sai‘ia Taha ai ‘a Sitelá
Feitu‘u: ko e Temipale Accra Ghana (“‘Oku hangē ia ko hēvani ‘i māmaní.”)
Talanoa kau kia Sīsuú: “‘I he taimi na‘á Ne fafanga ai ‘a e kakai tokolahi ‘aki ha fo‘i ma ‘e nima mo e mata‘i ika ‘e uá.”
Ngaahi hiva Palaimelí: “Fanongo ko e ‘Eiki ‘oku Ui” mo e “A Child‘s Prayer [Ko ha Lotu ‘a ha Ki‘i Tamasi‘i]” (“‘okú na ‘omi ha mālohi ke u ‘ofa mo tokoni.”)
Me‘akai: fufu (pata mo e manioke o‘i) fakataha mo e supo mo e kakano‘i kosi.
Lanu: engeenga
Lēsoni ‘i he akó: ‘aati
Tā fakatātā ‘a Paula Pang