Ko ‘Emau Taumuʻa ki he Tohi ʻa Molomoná
‘I he Kilisimasi ‘o e ta‘u kuo‘osí, ne ōmai kotoa ‘a e fāmili ‘o ‘eku fa‘eé ki homau ‘apí. Ne mau hiki hifo e ngaahi me‘a na‘e ‘ai ke mau fakahoko ma‘a Kalaisi ‘i he ta‘u ka hoko maí. Pea ne mau ō takai ‘o tala e me‘a ne mau fakakaukau ke foakí.
Na‘e pehē ‘e he‘eku kuifefiné te ne lau ‘a e Tohi ‘a Molomoná ‘i he māhina ‘e fā. Kuo te‘eki ke toe ‘alu ‘eku kuifefiné ki he lotú talu mei he‘ene ta‘u hivá pea kuó ne ‘osi lau pē ‘a e ngaahi konga ‘o e Tohi Tapú. Ne mau ‘ohovale kotoa. Na‘á ne pehē na‘á ne fie ma‘u ke lau ia koe‘uhi he na‘e ‘osi lau ia ‘e he kotoa ‘o ‘ene fānaú mo e tokolahi taha ‘o hono makapuná. Na‘á ne fie ‘ilo pe ko e hā na‘e fu‘u mahu‘inga ai kiate kimautolú.
Na‘e fakakaukau kotoa ‘a hoku ngaahi mehikitangá, fa‘ētangatá mo e tokolahi taha ‘o hoku ngaahi tokoua ‘akí ke nau lau ‘a e Tohi ‘a Molomoná mo ia. Na‘e ‘ikai ke u fakapapau‘i pe te ne fai ia, ka ‘okú ne kamata he taimí ni e tohi ‘a ‘Alamaá. ‘Okú ne sai‘ia ‘aupito ai. ‘Oku ou ongo‘i fiefia ‘i he‘eku lau e Tohi ‘a Molomoná mo ‘ilo‘i ‘oku lau foki mo ia ‘e he‘eku kuifefiné.
Tā fakatātā ʻa Charles Lehman