Tokoni Hangē ko Sīsuú

Na‘e Fakatokanga‘i ‘e Sīsū ‘a e Ni‘ihi Kehé

Na‘e fakatokanga‘i ma‘u pē ‘e Sīsū e kakai ne fie ma‘u tokoní. ‘I he ‘aho ‘e taha na‘á Ne ‘i ha fu‘u kakai tokolahi.

Ne ‘i ai ha fefine ‘i he kakaí na‘e puke ‘i he ta‘u ‘e 12. Na‘á ne ma‘u ‘a e tui ‘e lava ‘e Sīsū ‘o fakamo‘ui ia. Ko ia ai na‘á ne kakapa atu ‘o ala ki Hono kofú ‘i He‘ene fononga haké.

Na‘e fakatokanga‘i ‘e Sīsū ‘a e fefiné. Na‘á Ne tu‘u ke fakafiemālie‘i ia. Ne fakamo‘ui ia ‘e Hono mālohí.

Lolotonga ‘o e COVID, na‘á ku vakai‘i hoku ngaahi kaungāme‘á ke fakapapau‘i ‘oku nau sai pē mo talitali fiefia kinautolu ‘aki ha malimali fakalotolahi ‘i he taimi na‘a mau talanoa fakataha ai ‘i he ‘initanetí. Na‘á ku faka‘aonga‘i ‘a hoku ongo nimá ke tokoni ‘i he fanga ki‘i ngāue ‘i ‘apí mo tokoni‘i e ni‘ihi kehe ‘oku faingata‘a‘iá.

Peleini H., ta‘u 11, Lasi ‘Ala Kaima, Ngaahi Fonua Fakatahataha ‘o ‘Alepeá