Fakahā pea Tala
Na‘e faʻu ʻe he Palaimeli ko ʻení ‘i Tekisisi, USA, ha papa fanongonongo ʻo e hā mai ʻa Kalaisí, pea tuʻu takatakai ʻiate Ia ʻa e tokotaha kotoa ʻi he Palaimelí. ‘Oku tokoni ia ke ongo‘i ofi ange ʻa e taha kotoa kiate Ia.
Mālō e Lelei mei he Palaimeli ʻi Takā, Senekala!
Na‘á ku luelue mo ʻeku Tetí ʻo tufi e ʻū veve halá pea ne ma tānaki ha veve ʻe 322! Na‘e fakafiefia ke ngaohi homau feituʻu kaungāʻapí ke maʻa mo maau ange koeʻuhi ke fiefia ai e niʻihi kehé.
Semi D., taʻu 8, Safoki, ‘Ingilani
‘Oku tokoni ʻeku papitaisó ke u manatu‘i e ngaahi fuakava mahuʻinga ne u fai mo ʻeku Tamai Hēvaní. ‘Oku ou feinga ke muimui ki Heʻene ngaahi fekaú pea hoko ko ha ākonga mo ha ‘ofefine lelei.
Temi E., taʻu 9, Mekisikou Siti, Mekisikou
‘I he taimi naʻe hoko ai ʻa e ngaahi vela ʻi he ngaahi vaotā ʻi ‘Aositelēliá, ne u ʻaukai maʻá e fanga monumanu ne ‘i ha tuʻunga fakatu‘utāmakí. Ne mau lotu he pō kotoa pē maʻá e kau tangata tāmate afí koe‘uhi ke maluʻi kinautolu he ‘Eikí. Ne u ongoʻi fiefia ‘aupito ʻi he taimi na‘e talamai ai ʻe Mami ne mavahe atu ʻa e afí. ‘Oku ou ʻilo ‘oku fanongo mai ʻa e Tamai Hēvaní ‘i he taimi ʻoku tau ‘aukai mo lotú.
Lingikoni B., taʻu 9, Vikatōlia, ʻAositelēlia
ʻOku tokolahi hoku kaungāmeʻa ʻi he akó pea ʻoku fakafiefia ʻaupito ʻemau feohí. ʻI ha ʻaho ʻe taha ne u sio ki ha taʻahine ne nofo toko taha pē, pea ne u fie hoko ko hano kaungāmeʻa. Na‘á ku ʻilo ko e meʻa totonu ia koe‘uhi he ʻoku mahu‘inga lahi ʻa e ngaahi laumālié ‘i he ʻao ‘o e ʻOtuá.
Tatiana L., taʻu 6, Sakatepekisi, Kuatemala
Naʻá ku kakau mo hoku fāmilí peá u fakatokangaʻi ha ki‘i tamasiʻi ne faingata‘aʻia ‘i he vaí. Ne u ʻalu ʻo tokoniʻi ia. Na‘e talamai kiate au ʻe hono ta‘oketé ko ha ngāue loto-toʻa ne u faí ʻi hono tokoniʻi iá. Hili iá, naʻá ku ongoʻi e Laumālie Māʻoniʻoní.
Kalisitiane M., taʻu 9, ʻIutā, USA
ʻEma S., taʻu 8, ʻAnisoātekī, Venesuela
Kāsoni mo Kalāke S., ta‘u 6 mo e 4, Niusauele, ʻAositelelia
Liami A., ta‘u 9, ‘Initiana, USA
ʻAna., taʻu 9, Kalefōnia, USA
Tāleni P., ta‘u 8, Uanikavelika, Pelū