Haʻu, ʻo Muimui ʻIate Au
Taimi Fiefia ‘i he Folofolá ma‘á e Fānau Īkí
Te ke lava ‘o fakaʻaonga‘i ʻa e ngaahi fakakaukau ko ‘ení ke tokoni ki he akoʻi mei he Ha‘u, ʻo Muimui ‘Iate Au—maʻá e Fakafo‘ituituí mo e Ngaahi Fāmilí he uike kotoa pē.
Ki he Tokāteline mo e Ngaahi Fuakava 1: Tokoni ki ho‘o fānau īkí ke pehē, “Naʻe hoko ʻa Siosefa Sāmita ko ha palōfita.” Hili ia ʻalu ki he children.ChurchofJesusChrist.org pea lomiʻi ‘i he “Mūsiká” ke kumi ha foʻi hiva ke hiva ʻo kau kia Siosefa Sāmita.
Ki he Siosefa Sāmita—Hisitōlia 1:1–26: Tokoni ki ho‘o fānau īkí ke pehē, “‘Oku ongoʻi ʻe He Tamai Hēvaní ‘eku ngaahi lotú.” Peá ke toki faka‘aongaʻi ‘a e foʻi maau ko ‘ení ke akoʻi ho‘o fānaú ki he founga ʻo e lotú: “ʻOku ou kuikui hoku matá. ʻOku punou hoku ʻulú. ‘Oku ou kūnima lolotonga ʻa e lotú.”
Ki he Tokāteline mo e Ngaahi Fuakava 2, Siosefa Sāmita—Hisitōlia 1:27–65: Tokoni ki ho‘o fānau īkí ke pehē, “‘Oku ou ʻofa ‘i hoku fāmilí.” Puke hake ha tā fakafāmili pea tokoni ki hoʻo fānaú ke tuhu ki he tokotaha kotoa pē mo pu‘aki honau hingoá.
Ki he Tokāteline mo e Ngaahi Fuakava 3–5: Tokoni ki ho‘o fānau īkí ke pehē, “Te u lava ʻo muimui ki he ʻOtuá.” Fakahoko ʻa e va‘inga ʻo e muimui-ki he-takí pea ʻoange ki hoʻo fānaú ha ngaahi fakahinohino, ko e fakahinohino ʻe taha ʻi he taimi. Pasipasi fakataha ʻi he taimi ‘oku fakahoko totonu ai he fānaú.
Ki he Tokāteline mo e Ngaahi Fuakava 6–9: Tokoni ki ho‘o fānau īkí ke pehē, “‘Oku ou lava ʻo failelei.” Pea tokoni ke nau ngaohi ha kaati pe fakaneifua ke ʻave ki ha kaungāʻapi, pe kumi ha founga fakafiefia ʻe taha ke ngāue tokoni ai. ●
Tā fakatātā ʻa John Joven