Mga Kard sa Kasaysayan sa Simbahan
Pagkat-on mahitungod sa importante nga mga tawo sa kasaysayan sa Simbahan! Guntinga ang mga kard, pil-a diha sa tuldok-tuldok nga linya, ug i-tape kini aron masirado.
Hyrum Smith
1800–1844
“Atong … ibutang ang atong pagsalig sa Dios.”
The Joseph Smith Papers.Histories, vol. 1, p. 148.
-
Magulang siya nga lalaki ug maunungong higala ni Joseph Smith.
-
Miadto siya og pipila ka misyon sa pagtudlo sa ebanghelyo.
-
Gihigugma siya sa Ginoo ug kanunay nga naningkamot sa pagbuhat sa matarong nga butang (tan-awa sa Doktrina ug mga Pakigsaad 124:15).
-
Namatay siya kauban ni Joseph Smith didto sa Carthage Jail.
Sophronia Smith
1803–1876
“Ang Ginoo hinay-hinay nga moayo kanako.”
Kasaysayan ni Lucy Mack Smith, 1844–1845, p. 4, bk. 14, The Joseph Smith Papers.
-
Magulang siya nga babaye ni Joseph Smith ug nakigdula kaniya sa dihang bata pa sila.
-
Mitabang siya sa pagpanalipod sa bulawan nga mga palid aron dili makawat pinaagi sa pagtago niini diha sa iyang higdaanan uban kaniya.
-
Aduna siyay hugot nga pagtuo nga mamaayo sa dihang nasakit siya.
-
Mitabang siya sa pag-organisar og mga grupo sa pagpanahi ug paghablon alang sa mga babaye.
Mga paghulagway ni Brooke Smart