Matinabangong mga Kamot [Helping Hands] sa tibuok Kalibutan
Himamata si Victoria nga gikan sa United Arab Emirates
Himamata ang mga bata sa Primary nga nagtabang sa uban, sama sa gibuhat ni Jesus.
HELLO,HEI, ug BONJOUR
Tanan mahitungod ni Victoria
Edad: 5
Gikan sa: United Arab Emirates
Mga pinulongan: Iningles, Finnish, ug French
Mga tumong ug mga pangandoy: 1) Mahimong usa ka doktor. 2) Mahimong usa ka artist. 3) Mosiguro nga ang tanan adunay limpyo nga tubig.
Pamilya: Mama, Papa, manghud nga lalaki ug babaye, si Elisabeth ug Christopher
Matinabangong mga Kamot [Helping Hands] ni Victoria
Ganahan si Victoria nga mangita og mga pamaagi sa pagpakita sa iyang gugma. Usahay kini mao ang pagpakigbahin sa usa ka hinimo nga kard, paggakus, o gani sa pagpakigbahin sa iyang pagkaon.
Sa eskwelahan kanunay siya nga mokanta og kusog sa “Ako Anak sa Dios.” Sa wala madugay ang tanang magtutudlo sa iyang eskwelahan nakahibalo sa mga pulong. Usahay gani modungan sila og kanta.
Sa dihang nanirado ang mga eskwelahan tungod sa COVID-19, ang iyang mga magtutudlo nakahinumdom sa awit ni Victoria. Mihangyo sila kon makapadala ba siya og video sa iyang kaugalingon nga nagkanta sa “Ako Anak sa Dios” aron sa pagtabang kanila nga magmalipayon. Si Victoria ug ang iyang manghud nga babaye mihukom nga magkaubang mokanta sa awit alang sa video. Gusto nila nga masurprisa ang ilang mga magtutudlo ug motabang kanila nga mopahiyom, busa nagkat-on usab sila sa pagkanta niini sa Arabic!
Mga Paborito ni Victoria
Dapit: ang dulaanan [playground]
Istorya mahitungod ni Jesus: Sa dihang nabanhaw Siya sa Pasko sa Pagkabanhaw
Awit sa primary: “Ang Kaisug ni Nephi” ug “Gusto ko nga Makita ang Templo” (Usa ka bag-ong templo ang pagatukoron sa UAE!)
Pagkaon: pot stickers
Mga kolor: bulawan, pilak, rosa, ug ubi
Mga subject sa eskwelahan: art ug math
Mga paghulagway pinaagi ni Peter Francis