Higala ngadto sa Higala
Salig sa Propeta
Gikan sa usa ka interbyu ni Haley Yancey.
Sa dihang batan-on pa ko, anaa ko sa samang ward ni Presidente Nelson. Siya ang akong presidente sa stake. Dako kadto nga ward, mao nga wala ko magtuo nga siya makaila gayud kanako.
Apan ako adunay espesyal nga kasinatian uban kaniya sa dihang nahimo kong usa ka deacon. Gusto ko nga magmatinahuron kaayo kon mopaambit sa sakramento. Mibati ko nga importante kadto. Mao nga naningkamot ako nga motahud sa sakramento sa matag dominggo.
Naglakaw ko padulong mopauli gikan sa simbahan usa ka Dominggo sa dihang gihunungan ko og sakyanan diha sa akong tungod. Giablihan sa drayber ang bintana. Si Presidente Nelson kadto! Siya miingon, “akong nabantayan nga matinahuron kaayo ka sa dihang mipaambit ka sa sakramento. Salamat sa pagbuhat niana.”
Tingali dili na siya makahinumdom nga nagsulti niana. Apan ako dili gayud makalimot niini. Mihatag siya og higayon sa pagsulti nako nga sa iyang hunahuna nakahimo ko og butang nga maayo. Importante kaayo kadto alang nako.
Ako nasayud nga si Presidente Nelson ang propeta sa Dios. Ako nasayud nga siya nagkinabuhi og usa ka talagsaong kinabuhi nga nakaandam kaniya sa iyang nahimutangan karon. Ako nasayud nga siya nakadawat og pagpadayag sa paggiya sa Simbahan. Kon kita mosunod kaniya, kita mapanalanginan.
Ang mga Pulong sa Atong Propeta
Guntinga ang matag usa niini nga mga kinutlo gikan ni Presidente Nelson. Mahimo ninyong isulat ang mga kinutlo nga inyong kaugalingong nadungog! Paglungag og gamay sa ibabaw sa matag kinutlo ug butangi kini og higot. Ihigot ang hilo ngadto sa usa ka hanger o usa ka tukog.
“Kon kamo mopili sa pagpuyo sa habig sa Ginoo, wala kamo mag-inusara.”1
“Matag adlaw mao ang adlaw sa pagdesisyon, ug ang atong mga desisyon motino sa atong destinasyon.”2
“Ang Basahon ni Mormon usa ka gasa gikan sa Dios sa tanang katawhan.”3
“Kon sundon nato si Jesukristo, molihok ug mohigugma kita sama sa Iyang paghigugma.”4
“Mag-ampo aron makaangkon og mga mata nga makakita sa kamot sa Dios sa inyong kinabuhi ug sa kalibutan libut kaninyo.”5
Paghulagway ni Steven James
Mga paghulagway pinaagi ni Adam Koford