Alang sa Mas Magulang nga mga Bata
Family History nga Seksyon
Pag-interbyu og apohan o laing sakop sa pamilya! Unaha ang pagsulat og lista sa mga pangutana. Dayon pakig-istorya sa inyong sakop sa pamilya sa personal o sa telepono ug mangutana. Mahimo kamong mogamit og app sa pagrekord aron sa pagtipig sa inyong pag-istoryahanay.
Usa ka Pag-ampo alang sa Tabang
Nasuko ko gamay sa akong mga ginikanan sa dili pagtugot kanako sa pagbuhat og usa ka butang. Miadto ko sa akong kwarto ug nag-ampo, naghangyo sa Langitnong Amahan sa pagtabang kanako nga dili na kaayo masuko. Nasayud ko nga kon kamo mag-ampo sa Langitnong Amahan pinaagi sa hugot nga pagtuo, Siya motubag sa inyong mga pag-ampo.
Sara S., 10 anyos, Utah, USA
Sugyot sa Pagpangandam sa Templo: Hinumdumi ang Inyong Bunyag
Diha sa templo, kita mobuhat og mga bunyag alang niadtong kinsa namatay nga walay kahigayonan nga mabunyagan sa dihang buhi pa sila. Ang paghinumdom sa inyong kaugalingong bunyag makatabang kaninyo nga makasabot kon unsa ka malipayon ang mga tawo nga nabunyagan pinaagi sa atong pagpabunyag para nila diha sa templo! Isulat ang unsay inyong mahinumduman mahitungod sa inyong bunyag.
Paghulagway ni Jimmy Holder