Magpabilin nga Luwas sa Media

Mga Pangutana nga Makatabang sa Pagpili sa Maayo

Unsaon nimo pagkahibalo kon unsay maayong tan-awon, basahon, ug paminawon? Ania ang pipila ka mga pangutana nga makatabang nimo sa pagpili sa husto:

• Makatabang ba kini nako nga mobati sa Espiritu Santo?

• Makatabang ba kini nako nga mosunod kang Jesus?

• Unsay akong bation kon ang Manluluwas ania uban kanako?

Usa ka Plano sa Pagpahawa

Unsay imong buhaton kon ikaw makakita og media nga dili maayo? Paghimo og plano aron ka masayud unsay buhaton!

1. Palunga ang telepono, computer, tablet, o TV.

2. Sultihi ang usa ka ginikanan o kasaligan nga hamtong unsay imong nakita ug pangayo sa ilang tabang. Sila makatubag sa imong pangutana ug motabang kanimo.

3. Paghimo og butang nga positibo. Mahimo ka nga mokanta og awit sa Primary, mobasa ngadto sa usa ka igsoon, o makigdula sa usa ka higala sa gawas sa balay.

Mo-focus sa Maayo

Ang teknolohiya makatabang kanimo sa pagbuhat og daghang maayo nga butang. Unsa ang maayong mga butang nga kini nakatabang nimo sa pagbuhat?

Ania ang pipila ka mga ideya!

• Mag-video chat uban sa pamilya.

• Magbuhat sa family history.

• Magkat-on og bag-ong butang.

• Magtan-aw o maminaw og butang nga makapahimo nimo nga malipay.

• Bisitaha ang website sa Higala .

Mga paghulagway ni Jennifer Naalchigar