Makalingaw nga Panahon sa Kasulatan alang sa Gagmay nga mga Bata
Kini nga mga ideya kauban sa Dali, Sunod Kanako—alang sa mga Indibidwal ug mga Pamilya matag semana.
Alang sa Doktrina ug mga Pakigsaad 20–22: Tabangi ang inyong gagmayng mga bata sa pagsulti, “Ako nahisakop sa Simbahan ni Jesukristo.” Tudloi sila sa paghimo og mga porma sa usa ka building sa Simbahan diha ilang mga kamot, o tabangi sila sa pag-drowing og litrato sa ilang mga kaugalingon nga moadto sa simbahan.
Alang sa Doktrina ug mga Pakigsaad 23–26: Tabangi ang inyong gagmayng bata nga moingon, “Ang musika makapalipay nako.” Dayon pagpili og usa ka awit gikan sa Songbook sa mga Bata aron magdungan sa pagpanganta. Tabangi ang inyong mga bata nga makakat-on sa mga pulong.
Alang sa Doktrina ug mga Pakigsaad 27–28: Pangita og usa ka butang nga mahimong isul-ob sa mga bata isip usa kunohay ka helmet ug usa ka butang nga ilang magunitan sama sa usa ka taming. Magmartsa sa palibut ug tabangi ang inyong mga bata nga moingon, “Ang mga hinagiban sa Dios makatabang kanako nga luwas.”
Alang sa Doktrina ug mga Pakigsaad 29: Tabangi ang inyong gagmayng mga bata nga moingon, “Si Jesus buhi!” Ipakita kanila ang hulagway sa nabanhaw nga Kristo. Dayon ipakita nila ang mga litrato sa mga sakop sa pamilya nga namatay na. Hisguti kon giunsa nga tungod kay si Jesus nabanhaw ang tanan mabuhi pag-usab ugma damlag.
Mga paghulagway ni Alessia Girasole