Pagtinabangay
Gikuha ni Caleb ang iyang pala. Panahon na aron motrabaho sa tanaman!
Gitabangan niya si Mama sa pagdala sa mga himan. Dihay usa ka gamay nga pangkahig [rake]. Ug dihay pala usab para kang Mama. Andam na sila nga mosugod og trabaho.
Miadto si Mama ug si Caleb sa tanaman. Pastilan! Napuno kini sa mga sagbot! Dihay mugbo, hait nga mga sagbot. Ug dihay tag-as, pino nga mga sagbot. Daghan kaayong sagbot!
Apan nasayod si Caleb unsay buhaton. Mitrabaho dayon siya. Giguna ni Caleb ang mga sagbot. Dayon giibot ni Mama ang mga sagbot gikan sa yuta. Nindot kaayo ang ilang pagtinabangay! Sa wala madugay aduna na silay dakong pundok sa mga sagbot.
Panahon na para mopahulay. Miinom si Caleb og daghang tubig.
“Unsay atong buhaton kon ang mga sagbot wala na?” Nangutana si Caleb.
Gipapha ni Mama ang mga yuta sa iyang mga kamot. “Kon wala na ang mga sagbot, makatanom kita og mga binhi. Sama sa mga tamatis ug mga batong ug—”
“Ug mais?” Nangutana si Caleb. Ganahan siya og mais.
“Ug mais,” miingon si Mama. “Dili kita makalimot niana!”
Mitindog si Caleb. “OK. Mobalik kita sa pagtrabaho.” Gikuha niya ang iyang pala. Nagkinahanglan siya nga mohatag og luna alang sa mga mais.
Mikalot ug mikalot si Caleb. Lisod kadto nga trabaho. Apan kugihan si Caleb. Makahimo siya og lisod nga mga butang. Magkauban, siya ug si Mama mihimo og laing pundok sa mga sagbot. Dayon laing pundok. Dayon laing pundok. Daghan kaayong sagbot!
Sa kataposan si Caleb ug si Mama miibot sa tanang sagbot. Miligid si Caleb sa sagbot. Kapoy kaayo siya! Miligid si Mama tupad kaniya.
“Kugihan kaayo ka,” miingon si Mama. “Kadto nga mga sagbot tibuok adlaw unta to nako nga trabaho. Gihimo nimo kining paspas og makalingaw.”
Mipahiyum og dako si Caleb. Kugihan siya. “Nindot kaayo kon magtinabangay kita.”
Mga paghulagway ni Christine Grove