Dali, Sunod Kanako

Makalingaw nga Panahon sa Kasulatan

Kini nga mga ideya kauban sa Dali, Sunod Kanako—alang sa mga Indibidwal ug mga Pamilya matag semana.

Imahe

children building with sticks

Simbahan ni Jesukristo

Kantaha “Ang Simbahan ni Jesukristo” (Songbook sa mga Bata, 48).
Niadtong Abril 6, 1830, ang Simbahan ni Jesukristo natukod pag-usab sa yuta. Mabasa ninyo ang mahitungod sa istorya sa pahina 42–44.
Pangita og butang nga magamit ninyo sa pagtukod, sama sa mga bloke, mga tukog, o ubang mga butang. Dayon paglumba og tukod og usa ka gamay nga gambalay sa Simbahan gikan niini.

Imahe

speech bubbles with music notes

Kantaha ang “Manganta Ta og Kusog” (Songbook sa mga Bata, 124).
Ang Dios mitawag kang Emma Smith sa paghimo og usa ka libro sa mga awit alang sa Simbahan. Miingon Siya nga “ang awit sa mga matarung mao ang usa ka pag-ampo” (Doktrina ug mga Pakigsaad 25:12).
Pagpahigayon og hagit sa awit sa pamilya! Usa ka tawo mohugong-hugong og awit sa Simbahan. Ang uban motagna kon unsa kini nga awit. Kon adunay makatagna, ang tanan manganta og dungan sa awit! Dayon magpuli-puli sila sa pagpili sa sunod nga awit.

Imahe

boy dressed up in cardboard armor

Kantaha ang “Buhata Gayud ang Matarung” (Songbook sa mga Bata, 80).
Si Jesukristo mitudlo nga kinahanglan nato isul-ob ang tibuok nga taming sa Dios. Kon kita mosunod sa ebanghelyo, kita mahimong luwas ug mapanalipdan!
Gamita ang mga butang gikan sa inyong panimalay sa pagsul-ob og taming kunohay. Dayon basaha ang Doktrina ug mga Pakigsaad 27:15–18. Hisguti kon unsa ang kahulogan sa matag piraso nga taming.

Imahe

hand holding palm leaf

Kantaha ang “Kon Siya Moanhi Pag-usab” (Songbook sa mga Bata, 46–47).
Ang mga kasulatan nagtudlo mahitungod sa plano sa Langitnong Amahan alang kanato. Kana nga plano naglakip sa pagkabanhaw. Kana nagpasabot nga kita mabuhi pag-usab human kita mamatay. (Tan-awa sa Doktrina ug mga Pakigsaad 29:13, 26.)
Basaha ang mensahe ni Presidente Eyring sa pahina 2. Atol sa semana sa dili pa ang Dominggo sa Pasko sa Pagkabanhaw, basaha ang usa sa mga kasulatan alang sa matag adlaw uban sa inyong pamilya.

Mga paghulagway ni Katy Dockrill