Si‘i Ngaahi Kaungāmeʻa,
‘I he taʻu ní ʻoku hoko ʻa e Sāpate Pāmé ʻi he Sāpate fakaʻosi ʻo Māʻasí. ʻOku tau fakamanatua ʻi he taimi ko iá ʻa e ʻaho ne hāʻele atu ai ʻa Sīsū ʻi ha ʻasi ki Selusalema. Naʻe taʻataʻalo ʻaki ʻe he kakaí ha ngaahi lauʻi paame mo kaila, “Hōsana!” Hili ha ngaahi ‘aho siʻi mei ai, ne mamahi ‘a Sīsū pea pekia maʻatautolu. Hili iá naʻá Ne toe tuʻu! ‘Oku mau ʻamanaki te mou fiefia ‘i he taimi makehe ko ʻení ke manatu‘i ʻa e me‘a kuo fakahoko ʻe he Tamai Hēvaní mo Sīsū Kalaisi maʻatautolú (vakai, Sione 3:16). ʻE lava ke tau toe mo‘ui kotoa, koeʻuhi ko Kinaua!
ʻI he ʻofa lahi atu,
Ko e Kaumeʻá
P.S. Ko e ʻū peesi ʻe fiha te ke lava ʻo maʻu ʻi he makasini ko ʻení ʻoku fekauʻaki mo Sīsū?
Foʻu Haʻo Vaka Pē ʻAʻau
Naʻá ku ako e founga ne ngaohi ʻaki ai ‘e Nīfai ha vaká (Fēpueli 2020), ko ia ne u fie foʻu ha vaka ʻiate au pē ke mahino kiate au ʻa e anga e ongoʻi ʻa Nīfaí. Naʻe faingata‘a ia ʻi he kamatá, ka ne u ako ke ‘oua ʻe fo‘i mo falala ki he ʻEikí ʻo hangē ko Nīfaí.
ʻIeni D., taʻu 9, Velakulusi, Mekisikou
Feituʻu ‘Oku Mau Lau Ai ʻa e Kaumeʻá
‘Okú ma saiʻia ʻaupito ke lau ‘a e Kaumeʻá! ‘Oku tokoni ia ke siʻisiʻi ange ai ʻema ongoʻi tuenoá koe‘uhi ko kimautolu pē ʻi he kolo lahí ʻoku mēmipa ʻi he Siasí. ‘Oku ma lau ia ʻi he faka-Siamané mo e faka-Hōlaní koe‘uhi ko ʻema fa‘ee mei Netaleni pea ko ʻema tangataʻeikí mei Siamane.
Laasi mo Tōpeni S., taʻu 5 mo e 3, Loua Sekisoní, Siamane
ʻOku Mau Saiʻia ke Sio ki he Temipalé
ʻOku mau nofo ofi ki he Temipale Barranquilla Colombia pea ʻa‘ahi ki ai ʻi he uike ʻe ua kotoa pē. ‘Oku tokoni ia ke mau manatuʻi e ngaahi fuakava te mau fakahoko mo e Tamai Hēvaní.
Palaimeli ʻa e Kolo Pueto Kolomupiá, Kolomupia