Ma‘á e Fānau Lalahi Angé

Tuliki ʻo e Hisitōlia Fakafāmilí

‘Initaviu ha kui pe ko ha mēmipa kehe ʻo e fāmilí! Tomuʻa hiki ha lisi ʻo e ngaahi fehuʻí. Hili ia pea talanoa tonu mo e mēmipa hoʻo fāmilí pe ‘i he telefoní pea ʻeke hoʻo ngaahi fehu‘í. Te ke lava ‘o fakaʻaonga‘i ha polokalama hiki lekooti (recording app) ke seivi ai ho‘o fetalanoaʻakí.

Ko ha Lotu ki ha Tokoni

Na‘á ku ʻita ‘i heʻeku ongomātu‘á ʻi he ʻikai ke na fakangofua mai ke u fai ʻa e me‘a ne u fie faí. Ne u ʻalu ki hoku lokí ‘o fai ha lotu, ʻo kole ki he Tamai Hēvaní ke tokoniʻi au ke si‘isiʻi ange ʻeku ‘itá. ‘Oku ou ʻilo ‘i he taimi ʻokú ke lotu ai ki he Tamai Hēvaní ‘i he tuí, te Ne tali hoʻo ngaahi lotú.

Sela S., taʻu 10, ʻIutā, USA

Tokoni ke Mateuteu ki he Temipalé: Manatu‘i Ho Papitaisó

‘I he temipalé, ʻoku tau fakahoko ha ngaahi papitaiso ma‘anautolu ne mate kae teʻeki ma‘u ʻa e faingamālie ke papitaiso ʻi he‘enau kei moʻuí. ʻE lava ke tokoni‘i koe ʻi hono manatuʻi ho papitaisó ke mahino ʻa e fiefia ‘oku ongoʻi ʻe he kakai naʻe fakahoko ange maʻanautolu ʻa e papitasio ʻi he temipalé! Hiki hifo ‘a e meʻa ‘okú ke manatuʻi fekau‘aki mo ho papitaisó.

Tā fakatātaa‘i ʻe Jimmy Holder