Kaumeʻa ki he Kaumeʻa
Falala ki he Palōfitá
Mei ha ‘initaviu mo Heili Ianisī.
‘I heʻeku kei si‘í, naʻá ku ‘i he uooti tatau pē mo Palesiteni Nalesoni. Naʻá ne hoko ko ʻeku palesiteni fakasiteiki. Ne tokolahi ‘aupito e uōtí, ko ia ʻoku ‘ikai ke u tui naʻá ne ‘iloʻi au.
Ka na‘á ku aʻusia ha me‘a makehe mo ia ‘i heʻeku hoko ko ha tīkoní. Ne u fie maʻu ke u anga ‘apasia ʻaupito ʻi he taimi naʻá ku tufa ai ʻa e sākalamēnití. Ne u ongoʻi naʻe mahuʻinga ia. Ko ia ne u feinga ai ke fakahaa‘i ʻa e ʻapasia ki he sākalamēnití ʻi he Sāpate kotoa pē.
Naʻá ku lue ki ‘api mei he lotú ʻi ha Sāpate ‘e taha mo e lele hake ha kā ʻo tuʻu hoku tafaʻakí. Ne tukuhifo ʻe he faka‘ulí ʻa e matapā sioʻatá. Ko Palesiteni Nalesoni ia! Na‘á ne pehē mai, “Ne u fakatokangaʻi na‘á ke anga ʻapasia ʻaupito ‘i he taimi naʻá ke tufa ai ‘a e sākalamēnití. Fakamālō atu ‘i hono fakahoko iá.”
Mahalo he ʻikai te ne manatuʻi ʻene lea ko iá. Ka ʻe ʻikai toe ngalo ia ʻiate au. Na‘á ne tuku ha taimi ke fakahā mai kiate au naʻá ne pehē ne u fai ha me‘a ʻoku lelei. Ne mahuʻinga lahi ia kiate au.
‘Oku ou ʻilo ko Palesiteni Nalesoní ko e palōfita ‘a e ʻOtuá. ‘Oku ou ʻilo kuó ne moʻui ha moʻui maʻongoʻonga kuo teuteu‘i ai ia ki he tuʻunga ‘okú ne ʻi ai he ‘aho ní. ‘Oku ou ʻilo ‘okú ne maʻu ‘a e fakahā ke tataki ʻa e Siasí. Kapau te tau muimui kiate ia, ‘e tāpuekina kitautolu.
Ngaahi Lea ‘a Hotau Palōfitá
Kosi ‘o toʻo ‘a e ngaahi lea takitaha ko ʻeni meia Palesiteni Nalesoní. ‘E lava ke ke hiki hifo hoʻo ngaahi kupu‘i lea naʻá ke fanongo ki aí! Avangi ha ki‘i ava ʻi he konga ki ‘olunga ʻo e lea takitaha pea fakahū ha kiʻi afo ʻo nono‘o ‘i ai. Haʻi ‘a e afó ki ha henga pe ko ha vaʻakau.
“He ʻikai ke teitei liʻekina koe ʻi hoʻo fili ke nofo ʻi he tafaʻaki ʻo e ʻEikí.”1
“Ko e ʻaho takitaha ko ha ʻaho ke fai ai ha fili, pea ʻe makatuʻunga hotau ikuʻangá mei heʻetau ngaahi filí.”2
“Ko e Tohi ‘a Molomoná ko ha meʻa‘ofa ia mei he ʻOtuá ki he fa‘ahinga kotoa pē ʻo e tangatá.”3
“‘I he taimi ʻoku tau muimui ai ‘ia Sīsū Kalaisí, ʻoku tau ngāue hangē ko ia te Ne faí mo ‘ofa ʻo hangē ko Iá.”4
“Lotua ke ke maʻu ha mata ke mamata ki he ivi tākiekina ʻo e ʻOtuá ʻi hoʻo moʻuí pea mo e māmani ʻokú ke ʻi aí.”5
Tā fakatātā ʻa Steve James
Ngaahi tā fakatātā ʻa Adam Koford