Taimi Fiefia ʻi he Folofolá ma‘á e Fānau Īkí

ʻOku ʻalu fakatatau ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí he uike kotoa pē.

Maʻá e Tokāteline mo e Ngaahi Fuakava 20–22: Tokoni ki ho‘omou fānau īkí ke pehē, “‘Oku ou kau ki he Siasi ʻo Sīsū Kalaisí.” Ako‘i ke nau faʻu ha fōtunga ‘o ha fale ʻa e Siasí ʻaki honau nimá, pe tokoni kiate kinautolu ke nau tā fakatātaaʻi kinautolu ‘i haʻanau ‘alu ki he lotú.

Maʻá e Tokāteline mo e Ngaahi Fuakava 23–26: Tokoni ki ho‘omou fānau īkí ke pehē, “‘Oku ʻai au ʻe he mūsiká ke u fiefia.” Pea fili leva ha fo‘i hiva mei he Tohi Hiva ʻa e Fānaú ke nau hiva‘i fakataha. Tokoni‘i hoʻomou fānaú ke nau ako ha ni‘ihi ʻo e ngaahi fo‘i leá.

Maʻá e Tokāteline mo e Ngaahi Fuakava 27–28: Kumi ha meʻa ʻe lava ke tui ʻe ho‘omou fānaú ko ha tātā fakangalingali mo ha meʻa te nau lava ‘o pukepuke hangē ha paá. Laka takai pea tokoni ki hoʻomou fānau īkí ke pehē, “ʻOku tokoni ke maluʻi au ʻe he teunga tau ʻo e ʻOtuá.”

Maʻá e Tokāteline mo e Ngaahi Fuakava 29: Tokoni ki ho‘omou fānau īkí ke pehē, “ʻOku moʻui ʻa Sīsū!” Faka‘aliʻali kiate kinautolu ha fakatātā ‘o e Kalaisi kuo toetuʻú. Pea faka‘aliʻali ange leva ha ʻū fakatātā ‘o e kau mēmipa ʻo e fāmilí kuo maté. Talanoa kau ki he founga naʻe toetuʻu ai ‘a Sīsuú, pea ko e ʻuhinga ia ʻe toe moʻui ai ʻa e tokotaha kotoa pē ʻi ha ‘ahó.

Ngaahi tā fakatātā ʻa Alessia Girasole