Kau ʻAposetolo ʻi he funga ʻo e Māmaní
ʻAʻahi ʻa ʻEletā ʻUkitofa ki Siamane
ʻOku ngāue fakaetauhi ʻa e Kau ʻAposetoló ki he kakai he funga māmaní mo akoʻi kinautolu fekauʻaki mo Sīsū Kalaisi.
‘I ʻOkatopa ‘o e 2019, naʻe ʻalu ʻa ʻĒletā Tieta F. ʻUkitofa mo hono uaifí, Halieta, ki Siamane ki hono toe fakatapui ʻo e Temipale Frankfurt Germany.
Ne tāpuni ʻa e temipalé kae lava ke fakalelei‘i. Hili iá, na‘e pau leva ke toe fakatapui ia.
‘Uluakí, naʻe ‘i ai ha ʻoupeni hausi. Ne lava pē ke ʻalu ki ai ha taha pē. Na‘a nau tui ha ngaahi kofukofu ʻi honau suú kimuʻa pea nau toki lue holo ‘i he loto temipalé.
Naʻe fakataha foki ʻa ‘Eletā mo Sisitā ʻUkitofa mo e to‘u tupú. “‘I he taimi ʻokú ke ha‘u ai ki he temipalé, fakakaukau maʻu pē kia Sīsū Kalaisi pea mo ʻEne mahuʻinga kiate koé!” Naʻe pehē ʻe ʻEletā ʻUkitofa.
Na‘e fakahoko ʻe ‘Eletā ʻUkitofa ha lotu makehe ke fakatapui ʻaki ‘a e temipalé. Hili iá, ne toe hoko leva ʻa e temipalé, ko e fale ‘o e ʻEikí!
“Ko hono fakatapui ‘o e fale ʻo e ‘Eikí ko ha taimi ia ʻo e fiefia. Ko ha taimi ia ‘o e loto-houngaʻia.” *
ʻŪ laʻitā meia SCOTT TAYLOR, DESERET NEWS; Ko e ‘ata ki ʻolungá mo e tu‘a temipalé © IRI