Ngaahi Nima Fietokoni ‘i he funga ʻo e Māmaní
Fe‘iloaki mo Vikatōlia mei he Ngaahi Fonua Fakatahataha ‘o ‘Alepeá
Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.
MĀLŌ E LELEI,HEI, mo e BONJOUR
Ngaahi me‘a kotoa fekauʻaki mo Vikatōliá
Taʻu: 5
Mei he: Ngaahi Fonua Fakatahataha ʻo ʻAlepeá
Ngaahi lea fakafonuá: faka-Pilitānia, faka-Finilani, mo e faka-Falanisē
Ngaahi taumu‘á mo e fakaʻamú: 1) Hoko ko ha toketā. 2) Hoko ko ha tokotaha ʻaati. 3) Fakapapau‘i ʻoku maʻu ʻe he tokotaha kotoa pē ha vai ʻoku maʻá.
Fāmilí: Mami, Teti, tuongaʻane siʻisiʻi mo e tehina, ʻIlisapeti mo Kulisitofā
Ko e Ngaahi Nima Fietokoni ʻa Vikatōliá
‘Oku saiʻia ‘a Vikatōlia ke fekumi ki ha ngaahi founga ke fakahaaʻi ‘aki ʻene ‘ofá. Taimi ‘e niʻihi ko e vahevahe ʻo ha kaati ne ngaohi nima pē, fā‘ofua ki ha taha, pe ko hono vahevahe atu ʻene me‘akaí.
‘I he akó naʻá ne faʻa hiva‘i leʻo lahi ʻa e “Fānau Au ‘a e ʻOtua.” Na‘e ʻikai fuoloa kuo ʻilo kotoa ‘e he kau faiako ʻi heʻene ‘apiakó ʻa e ngaahi lea [ʻo e hivá]. ʻI he taimi ‘e niʻihi ne nau faʻa hiva fakataha mo ia.
ʻI he taimi ne tāpuni ai ʻa e ngaahi ‘apiakó koeʻuhi ko e COVID-19, na‘e manatuʻi ‘e heʻene kau faiakó e hiva ‘a Vikatōliá. Na‘a nau kole ange pe te ne ʻoange ha vitiō ʻokú ne hivaʻi ai ‘a e “Fānau Au ‘a e ʻOtua” ke tokoni‘i ke fakafiefiaʻi ʻaki kinautolu. Na‘e fakakaukau ʻa Vikatōlia mo hono ki‘i tehiná ke na hivaʻi fakataha ‘a e hivá ʻi he vitioó. Na‘á na fie fakaʻohovaleʻi ‘ena kau faiakó mo tokoniʻi kinautolu ke nau malimali, ko ia ai ne na ako ke na hivaʻi foki ia ʻi he lea faka-‘Alepeá!
Ngaahi Meʻa ʻOku Saiʻia Taha ai ʻa Vikatōliá
Feitu‘u: ko e malaʻe va‘ingá
Talanoa fekau‘aki mo Sīsuú: ʻI he taimi na‘á Ne toetuʻu ai ‘i he Toetuʻú
Hiva Palaimeli: “Loto-to‘a ʻa Nīfaí” mo e “Fie Siofia Ha Temipale” (ʻE langa ha temipale foʻou ‘i he UAE!)
Me‘akai: dumplings (faʻa fakafonu ʻaki e puaka, haka mao, pea fakapaku)
Ngaahi lanú: koula, siliva, pingikī mo e vāleti
Ngaahi lēsoni ʻi he akó: ʻaati mo e fika
Ngaahi tā fakatātā ʻa Peter Francis