Nofo Malu ʻi he Mītiá
Ngaahi Fehu‘i ʻo e Fili Leleí
Te ke ʻiloʻi fēfē ʻa e meʻa ʻoku lelei ke sio, lau, mo fanongo ki aí? Ko ha ngaahi fehuʻi ʻeni ʻe niʻihi ke tokoniʻi koe ke fili ki he totonú:
-
‘Okú ne tokoniʻi au ke u ongo‘i ʻa e Laumālie Mā‘oniʻoní?
-
‘Okú ne tokoniʻi au ke u muimui ‘ia Sīsū?
-
Te u ongoʻi fēfē kapau ne ‘i heni mo au ʻa e Fakamo‘uí?
Ko Ha Palani ke Tafoki mei Ai
Ko e hā ‘okú ke fai ʻi he taimi ‘okú ke sio ai ki he mītia ʻoku ‘ikai saí? Fa‘u ha palani koeʻuhi ke ke ‘ilo ʻa e me‘a ke faí!
-
Tamate‘i e telefoní, komipiutá, tepiletí, pe TV.
-
Talaange ki ho‘o mātuʻá pe tokotaha lahi falala‘angá, e meʻa naʻá ke sio ki aí mo kole tokoni kiate kinautolu. Te nau lava ‘o tali hoʻo ngaahi fehu‘í mo tokoni atu.
-
Fakahoko ha faʻahinga ngāue lelei. ‘E lava ke ke hivaʻi ha hiva Palaimeli, laukonga ki ha tokoua pe tuonga‘ane, pe vaʻinga ‘i tuʻa mo ha kaungāme‘a.
Tokanga Taha ki he Meʻa ʻOku Leleí
‘E lava ke tokoniʻi koe ʻe he tekinolosiá ke fakahoko ha ngaahi me‘a lelei lahi. Ko e hā ha ngaahi me‘a lelei kuó ne tokoniʻi koe ke ke fakahoko?
Ko ha ngaahi fakakaukau ʻeni ʻe niʻihi.
-
Fetalanoaʻaki vitiō (video chat) mo e fāmilí.
-
Ngāue ki hoʻo hisitōlia fakafāmilí.
-
Ako ha meʻa foʻou.
-
Sio pe fanongo ki ha me‘a ʻokú ne ‘ai koe ke ke fiefia.
-
ʻAʻahi ki he uepisaiti ʻa e Kaumeʻá.
Ngaahi tā fakatātā ʻa Jennifer Naalchigar