Naʻa mau ō ki he lotú ‘i he feituʻu tuku‘utá pea mau sio ki he fanga pato mo e fanga moa! ‘Oku ou fakamālōʻia koeʻuhi ko e fanga manu na‘e fakatupu ʻe he ‘Otuá.
Polisi M., taʻu 9, Kolienitesi, ʻĀsenitina
ʻĪmisi
David Avalos
‘I he taimi ne mau lotu ai ʻi ‘apí, ne u ako‘i ʻa hoku fāmilí fekau‘aki mo e ngingila hangē ha foʻi fetu‘ú. Ne ngaohi ʻe he tokotaha kotoa pē ha foʻi fetuʻu pea tohi ai ʻa e founga ʻoku nau ngingila aí.
Tēvita A., taʻu 8, Fololita, USA
ʻĪmisi
Father and Daughter with a plate of cookies
ʻOku ou muimui ʻi he sīpinga ‘a Sīsū Kalaisí ʻaki hono fakahaa‘i e ʻofa mo e tokoni ki he niʻihi kehé.
Māsilī C., ta‘u 7, Meesisaiti, ‘Ingilani
ʻĪmisi
Young man named Aiden
‘I hono papitaiso aú, naʻe ‘ikai ke u maʻu ha ongoʻi makehe, ka naʻe talamai ʻe heʻeku tangata‘eikí kiate au ʻe ʻi ai pē ha ʻaho te u toki ongoʻi makehe ai. ʻI he taimí ni, ʻoku ou ongoʻi makehe fekauʻaki mo ia.
ʻEiteni T., taʻu 9, ʻAlasikā, USA
ʻĪmisi
A photo of Woolfe Mckade
Na‘á ku maʻu ha ongo ‘i he taimi kai hoʻataá ke ‘oua ʻe va‘inga ʻi he ngaahi palāleli ukameá ʻi he mālōlō si‘í. Ne u tukunoaʻi pē ‘a e ongo ko iá peá u vaʻinga pē au ʻi he ngaahi palāleli ukameá. Na‘á ku tō pea motu hoku nimá. ‘Oku ou ʻilo ‘e foaki mai ʻe he Laumālie Mā‘oniʻoni kiate au ha ngaahi fakatokanga fakalongolongo.
Makeiti W., taʻu 11, Uasingatoni, USA
ʻĪmisi
Layla Prebble
Kuo lahi e ngaahi me‘a ne fetaulaki mo hoku kaungāme‘a lelei tahá, pea naʻá ku ngaohi maʻana ha fakaneifua makehe ki he Toetuʻú. ‘I he taimi ne u ʻaveange ai iá, naʻá ku ongo‘i lelei ʻi hoku lotó ‘i heʻeku ‘iloʻi ne u tokoni ki hoku kaungāme‘á.
Leila P., taʻu 10, Tasimēnia, ʻAositelēlia
Ko e Sākalamēnití
‘I heʻetau ma‘u ʻa e sākalamēnití,
ʻOku tau kole ki he Tamai Hēvaní ke tokoniʻi kitautolu ke tau fakatomala.
Ke fufulu ke tau ma‘a mei he mamahi mo e angahalá,
Koeʻuhi ke tau lava ʻo kamata foʻou ʻi he Sāpate kotoa pē.