Ngāue Fakataha
Na‘e toʻo ‘e Kēlepi ʻene sāvoló. Naʻe taimi ke ngāue ‘i he ngoué!
Na‘á ne tokoni kia Mami ke toʻo ‘a e ngaahi meʻangāué. Na‘e ʻi ai ha leiki siʻisiʻi. Pea ne ʻi ai foki mo ha sāvolo maʻa Mami. Naʻá na mateuteu ke kamata ʻena ngāué.
Naʻe lue atu ʻa Mami mo Kēlepi ki he ngoué. ʻOiauē, ʻikai! Na‘e fonu ia ʻi he vaó! Na‘e ʻi ai e ngaahi vao nounou, talatala. Pea na‘e ʻi ai mo ha ngaahi vao lōloa, hangatonu. Fuʻu vaoa ʻaupito!
Ka naʻe ʻilo ʻe Kēlepi e meʻa ke fakahokó. Naʻe ngāue leva ʻikai toe tatali. Na‘e huoʻi ʻe Kēlepi ki lalo ki he vaó. Hili ia na‘e taʻaki leva ʻe Mami ‘a e vaó mei he kelekelé. Na‘á na hoko ko ha timi lelei ʻaupito! Na‘e ʻikai fuoloa kuó na fokotu‘u ha fuʻu fokotu‘unga vao lahi.
Ne taimi leva ke fai ha kiʻi mālōlō. Na‘e inu ʻe Kēlepi ha vai lahi.
“Ko e hā te ta fakahoko ʻi he taimi ‘e ʻosi ai ʻa e vaó?” Na‘e ʻeke ange ʻe Kēlepi.
Na‘e tafiʻi ʻe Mami ʻa e kelekelé mei hono ongo nimá. “Ko ʻene ʻosi pē ʻa e vaó, te ta lava ʻo tō ha ngaahi tengaʻi ʻakau. Hangē ko e temata mo e piini mo e—”
“Mo e koane?”. Na‘e ʻeke ange ʻe Kēlepi. Naʻá ne saiʻia he koané.
“Mo e koane,” naʻe talaange ‘e Mami. “ʻE ʻikai lava ke ta fakangaloki ia!”
Ne tuʻu ʻa Kēlepi ki ʻolunga. “OK. Ta hoko atu ʻeta ngāué.” Na‘á ne toʻo hake ‘ene sāvoló. Na‘á ne fie maʻu ke faka‘ataʻatā ki he ngaahi fuʻu koané.
Naʻe keli mo keli ʻa Kēlepi. Naʻe faingata‘a e ngāué. Ka ko ha tokotaha ngāue mālohi ʻa Kēlepi. Naʻá ne lava ʻo fai e ngaahi meʻa faingataʻá! Naʻá ne toe fokotuʻu fakataha mo Mami, ha fokotuʻunga vao ʻe taha. Mo ha toe taha. Mo ha toe taha. Fuʻu vaoa ʻaupito!
Na‘e faifai pea kuo toʻo ʻe Kelepi mo Mami ʻa e kotoa ʻo e ngaahi vaó. Ne tō tangutu hifo ʻa Kēlepi ʻi he musié. Naʻá ne fuʻu helaʻia ʻaupito. Ne tō tangutu hifo ʻi hono tafa‘akí ʻa Mami.
“Ko ha tokotaha ngāue mālohi koe,” naʻe talaange ʻe Mami. “Kapau na ko au pē ʻe ʻaho kakato ʻeku feinga ke taʻaki e vaó. Naʻá ke ʻai ia ke vave mo fakafiefia.”
Ne malimali lahi ʻa Kēlepi. Ko e tokotaha ia naʻe ngāue mālohi. “‘Oku sai ʻi he taimi ‘oku tau ngāue fakataha aí.”
Ngaahi tā fakatātā ‘a Christine Grove