Haʻu, ʻo Muimui ʻIate Au

Taimi Fiefia ʻi he Folofolá

ʻOku ʻalu fakatatau ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike kotoa pē.

children building with sticks

Siasi ʻo Sīsū Kalaisí

Maʻá e Tokāteline mo e Ngaahi Fuakava 20–22

• Hivaʻi ʻa e “Ko e Siasi ʻo Sīsū Kalaisí” (Tohi Hiva ʻa e Fānaú,48).

• ‘I he ʻaho 6 ‘o ʻEpeleli 1830, naʻe toe fokotuʻu ai ʻa e Siasi ‘o Sīsū Kalaisí ʻi he māmaní. Te ke lava ‘o lau fekauʻaki mo e talanoá ‘i he peesi 42–44.

• Kumi ha me‘a te ke lava ʻo langa ‘aki, hangē ko e ʻū poloka, vaʻakau, pe ngaahi me‘a kehe pē. Hili ia pea fakahoko ha lova ke langa ʻaki kinautolu ha kiʻi falelotu ʻa e Siasí.

speech bubbles with music notes

Fakahingoa ‘a e Foʻi Hiva Ko Iá

Maʻá e Tokāteline mo e Ngaahi Fuakava 23–26

• Hiva‘i ʻa e “Hiki Hake Ho Le‘ó Pea Hiva” (Tohi Hiva ʻa e Fānaú, 124).

• Na‘e uiuiʻi ʻe he ‘Otuá ʻa ʻEma Sāmita ke ne fakatahatahaʻi ha tohi ʻo e ngaahi hiva ma‘á e Siasí. Na‘á Ne folofola ko e “hiva ʻa e kau mā‘oniʻoní ko e lotu ia” (Tokāteline mo e Ngaahi Fuakava 25:12).

• Fakahoko ha feʻauhi hiva fakafāmili! ‘Oku ngūngū ʻe ha taha ha fo‘i hiva ʻa e Siasí. Pea ʻe mateʻi leva ʻe he niʻihi kehé pe ko e hā ʻa e foʻi hiva ko iá. ‘I he taimi ʻoku mate‘i ai ha taha ‘o tonú, ʻoku hivaʻi fakataha leva ʻe he tokotaha kotoa pē ‘a e foʻi hivá! Hili ia pea te nau (tokotaha naʻe mateʻi ʻo tonú) fetongitongi hono fili ʻa e fo‘i hiva hono hokó.

boy dressed up in cardboard armor

Tui ʻa e Teunga Taú!

Maʻá e Tokāteline mo e Ngaahi Fuakava 27–28

• Hivaʻi ʻa e “Feinga Faitotonu” (Tohi Hiva ʻa e Fānaú, 80).

• Naʻe akoʻi ʻe Sīsū Kalaisi ʻoku fie maʻu ke tau ‘ai kiate kitautolu ʻa e mahafu tau kotoa ʻo e ‘Otuá. ‘I heʻetau mo‘ui ʻaki ʻa e ongoongoleleí, te tau malu mo hao!

• Faka‘aongaʻi ‘a e ngaahi meʻa ‘i homou ʻapí ke tui ha teunga tau fakangalingali. Hili iá pea lau ʻa e Tokāteline mo e ngaahi Fuakava 27:15–18. Talanoa fekau‘aki mo e ʻuhinga ‘o e konga takitaha ʻo e teunga taú.

hand holding palm leaf

Ko e Palani ʻa e Tamai Hēvaní

Maʻá e Tokāteline mo e Ngaahi Fuakava 29

• Hivaʻi ʻa e “ʻO Ka Ne Ka Toe Haʻú” (Tohi Hiva ʻa e Fānaú, 82–83.

• ʻOku ako‘i ʻe he ngaahi folofolá fekau‘aki mo e palani ʻa e Tamai Hēvaní maʻatautolu. ‘Oku kau ʻi he palani ko iá ʻa e toetu‘ú. ‘Oku ʻuhinga ia te tau toe mo‘ui hili ʻetau maté. (Vakai, Tokāteline mo e Ngaahi Fuakava 29:13–26.)

• Lau ‘a e Pōpoaki naʻe fakahoko ʻe Palesiteni ʻAealingi ‘i he peesi 2. Lolotonga ‘o e uike kimuʻa ‘i he Sāpate Toetuʻú, lau ‘a e potufolofola ʻe taha ‘i he ʻaho takitaha mo hoʻo fāmilí.

Product Shot from March 2021 Friend Magazine

Ngaahi tā fakatātā ʻa Katy Dockrill