Ngaahi Fakamatala ʻo e Konifelenisí
Te Tau Toe Moʻui
Naʻe ako ʻa Sisitā ʻApēto kau ki he Toetuʻu ʻa Sīsū Kalaisí. Naʻá ne fai leva ha talanoa mei heʻene moʻuí. ʻI hono taʻu hivá, naʻe mālōlō hono tuongaʻané. Naʻá ne fifili, “Naʻá ne ʻalú ki fē? Te u toe sio nai kiate ia?” Naʻá ne ʻilo ai ʻe toe moʻui hono tuongaʻané koeʻuhí ko e Toetuʻú! Naʻe tokoniʻi ia ʻe he Laumālie Māʻoniʻoní ke ne ongoʻi fiemālie mo ʻamanaki lelei.ʻ
Oku akoʻi au ʻe he meʻá ni:
Feinga ke Hangē ko Sīsuú
Naʻe vahevahe ʻe ʻEletā Sitīvenisoni ha talanoa kau ki he angaʻofá. Naʻe fakakata ʻaki ʻe ha kiʻi tamasiʻi ko Miniseni mo hono kaungāakó ha kiʻi tamasiʻi ʻi he akó. ʻI he taimi naʻe ʻilo ai ʻe Minikēni e loto mamahi ʻa e kiʻi tamasiʻí, naʻá ne ongoʻi fakaʻofaʻia ʻaupito! Naʻá ne kole fakamolemole. Naʻá ne talaange ki hono kaungāakó ke tuku ʻenau hohaʻasi ʻa e kiʻi tamasiʻí. Naʻe hoko ʻa Miniseni ko e kaungāmeʻa ʻo e kiʻi tamasiʻí. Naʻá ne muimui ki he sīpinga ʻa Sīsuú.
ʻOku akoʻi au ʻe he meʻá ni:
Ngāue Tokoni ʻi he Temipalé
Naʻe pehē ʻe Palesiteni ʻAealingi, ʻi he kei siʻi hono ʻofefiné, naʻá ne ʻalu ki he temipalé ke fakahoko e papitaiso he temipalé. Ko ia naʻe papitaiso fakamuimuitaha he ʻaho ko iá. Ka naʻe kei lahi pē ʻa e ngaahi hingoa naʻe toé. Naʻe toutou fehuʻi kiate ia ʻe he tokotaha ngāue fakatemipalé, “Te ke toe lava ʻo hoko atu?” Ko e taimi takitaha naʻá ne tali ange ʻio. Naʻá ne fakapapau ke ngāue maʻá e ʻEikí.
ʻOku akoʻi au ʻe he meʻá ni:
Ko Hono Tokoni‘i e Niʻihi Kehé
Naʻe pehē ʻe ʻEletā Peisela ko e taimi naʻá ne kei tamasiʻi aí, naʻe tokangaʻi ʻe heʻene tamaí ʻa e kakai faingataʻaʻiá. Naʻá ne faʻa pehē , “Pobrecito” (siʻi tokotaha fakaʻofa). Peá ne kumi leva ha founga ke tokoni ai. Naʻe ako ʻa ʻEletā Peisela ke ne maʻu ha ʻofa ki he niʻihi kehé. Ko e tokotaha kotoa pē ko e fānau ia ʻa e ʻOtuá, pea te tau lava ʻo tokoniʻi kinautolu.
ʻOku akoʻi au ʻe he meʻá ni:
Ngaahi tā fakatātā ʻa Bryan Beach