Tohi ʻe Koe
Ko e Hiki Homau Fāmilí
Fai ʻe Boston B., taʻu 11, ʻApu Tapi, Ngaahi Fonua Fakatahataha ʻo ʻAlepeá
Ne u toki hiki mo hoku fāmilí ki ʻApu Tapi. Naʻe kehe ʻaupito ia mei he feituʻu ne mau nofo ai kimuʻá. Naʻe kehe homau uōtí, pea naʻe kehe homau falé. Naʻa mau feinga kotoa pē ke anga ki he feituʻu foʻoú.
Naʻe kamata ke u fakakaukauʻi ha ngaahi founga ʻe lava ke u tokoni ai ki hoku fāmilí. Naʻá ku toʻotama ki he toenga ʻo e fānau īkí kae lava ʻa mami mo teti ʻo fakaava e ngaahi puhá ʻo fokotuʻutuʻu homau falé. Naʻá ku feinga foki ke tokoniʻi hoku fāmilí ke nau anga ki homau ʻapí. Naʻá ku ako ha ngaahi hiva ʻi heʻeku kītaá ʻe saiʻia ai ʻeku faʻeé mo hoku tuofefiné pea ʻe lava ke nau hiva.
Taimi siʻi pē kuo maau kotoa hono fokotuʻutuʻu homau falé. ʻOku ou kei saiʻia pē ke fakahoko e ngaahi meʻa ko iá ki hoku fāmilí. ʻOkú ne ngaohi au ke u ongoʻi fiefia mo ongoʻi e ʻofa mei he Tamai Hēvaní. ʻOku ou ʻiloʻi ko e taimi ʻoku ou ngāue fakasevāniti ai ki he niʻihi kehé, ʻoku ou tokoni ai ki he Tamai Hēvaní mo Sīsū Kalaisi. ʻOku ou ʻilo ʻokú ne ngaohi Kinaua ke fiefia ʻo hangē ko ʻeku fiefiá.