Si‘i Kaungāmeʻa,
ʻOku folofola mai ʻa e Tamai Hēvaní kiate kitautolu ʻo fakafou mai ʻi Heʻene kau palōfitá. Ne tau fanongo mei he kau palōfitá mo e kau ʻaposetoló he māhina kuo ʻosí ʻi he konifelenisi lahí! ʻOku mahuʻinga e ngaahi lea ʻoku tau fanongoa he konifelenisí kiate kitautolu kotoa. ʻOku nau talamai ʻa e founga ke tau hoko ai ʻo hangē ange ko Sīsū Kalaisí.
Ko e hā e konga ʻo e konifelenisí naʻá ke saiʻia taha aí? ʻAlu ki he peesi 2–7 ke fakamanatu ha niʻihi ʻo e ngaahi pōpoaki maʻongoʻonga naʻe vahevahe lolotonga ʻa e konifelenisí!
ʻOfa atu,
Ko e Kaumeʻá
Ko hai Au?
Naʻa mau fakahoko e kiʻi vaʻinga “Ko Hai Au?” peá u saiʻia ai (Sune 2020)! Fakamālō atu ʻi he ngaahi vaʻinga fakafiefia mo e ngaahi talanoa lelei! ʻOkú ma saiʻia foki ke fanongo ki he ngaahi talanoa kuo hiki tepi mei he Kaumeʻá lolotonga ʻema maʻu meʻatokoní. ʻOkú ne tokoniʻi kimautolu ke maʻu ʻa e Laumālié ʻi homau ʻapí.
Valenitaine mo Sulieti P., taʻu 4 mo e 6, ‘Alesona, USA
Feituʻu ‘Oku Mau Lau Ai ʻa e Kaumeʻá
ʻOku lau ʻe he ongo tautehina ko Māselo mo ʻAlehanitalō A., taʻu 6 mo e 3, ʻa e Kaumeʻá ‘i he lea faka-Sipeiní ʻi Nuevo Leone, Mekisikou!
ʻOku MAU Saiʻia he Sio ki he Temipalé
Naʻe ʻaʻahi ʻa Laasi, Māleni, mo Livia B., taʻu 6 ki he 11, mo e 33 ki he Temipale St. Paul Minnesota