Haʻu, ʻo Muimui ʻIate Au

Taimi Fiefia ʻi he Folofolá ma‘á e Fānau Īkí

Te ke lava ‘o fakaʻaonga‘i ʻa e ngaahi fakakaukau ko ‘ení ke tokoni ki he akoʻi mei he Ha‘u, ʻo Muimui ‘Iate Au—maʻá e Fakafo‘ituituí mo e Ngaahi Fāmilí he uike kotoa pē.

Ki he Tokāteline mo e Ngaahi Fuakava 45: Lau ʻa e Tokāteline mo e Ngaahi Fuakava 45:32 pea tokoni ki hoʻo fānau īkí ke nau lea, “Te u lava ʻo tuʻu ʻi he ngaahi potu toputapú.” Fakahoko ha kiʻi vaʻinga ke sio pe ko hai te ne lava ʻo ʻuluaki tuʻu hake ʻo lea ʻaki ha meʻa lelei ʻe taha naʻa nau fakahoko he ʻaho ko iá.

Ki he Tokāteline mo e Ngaahi Fuakava 46–48: Lau ʻa e Tokāteline mo e Ngaahi Fuakava 46:11. Pea tokoni ki hoʻomou fānau īkí ke fakafonu ʻa e konga ʻoku ʻataá: “ʻOku ou sai ‘i he …” Tokoniʻi kinautolu ke nau fakatokangaʻi honau ngaahi talēnití mo e ngaahi meʻafoaki fakalaumālié.

Ki he Tokāteline mo e Ngaahi Fuakava 49-50:Lau ʻa e Tokāteline mo e Ngaahi Fuakava 50:41. Tokoniʻi hoʻo fānau īkí ke nau lea, “ʻOku ʻofa ʻa Sīsū Kalaisi ʻiate au.” Huke e ngaahi peesi ʻo ha makasini ʻa e Siasí ʻo vakai pe ko e ʻū tā ʻe fiha ʻo Sīsū te ke lava ʻo laú.

Ki he Tokāteline moe Ngaahi Fuakava 51-57: Lau ʻa e Tokāteline mo e Ngaahi Fuakava 51:9 mo tokoniʻi hoʻomou fānau īkí ke nau lea, “Te u lava pē au ʻo faitotonu!” Fakahoko ha talanoa ki hoʻo kiʻi tamasiʻí fekauʻaki mo ha taimi naʻá ke fili ai ke faitotonu.

Ki he Tokāteline mo e Ngaahi Fuakava 58-59: Lau ʻa e Tokāteline mo e Ngaahi Fuakava 59:7. Hili ia pea vaʻinga leva mo hoʻo fānau īkí ʻi he vaʻinga kumi houngaʻia ko ʻení. ʻAlu ʻo ʻeva mo pehē, “ʻOku ou mamata ki ha meʻa (kulokula, siʻisiʻi, mo e alā meʻa pehē) ʻoku ou houngaʻia ai.” Sio pe te nau lava ʻo ʻiloʻi ia!