Meti mo Menitī

‘I he efiafi fakafāmilí ʻi ‘api, ʻoku ako ‘e he fāmili Kupá ʻa e tefito ʻo e tui hono onó.

“… ki he ngaahi lakanga tatau ko ia naʻe fokotuʻu ʻi he Siasí ʻi he Kuonga muʻá …”

Teti, feʻunga mo e poini ʻe nima, ko e hā e ʻuhinga ʻo e “Siasí ʻi he Kuonga muʻá”?

Ko e Siasi ia ʻo Sīsū Kalaisi naʻe fokotuʻu lolotonga ʻEne kei ʻi he māmaní.

Tonu.

“… ʻa ia ko e, kau ʻaposetolo, kau palōfita—”

Mami, ko e hā naʻe fuʻu mahuʻinga pehē ai e kau palōfitá mo e kau ʻaposetoló?

Naʻe kole ange ʻe Sīsū ke nau tataki ʻa e Siasí ʻo fakatatau mo ʻEne fakahinohinó.

Naʻe faifai pea tamateʻi tokolahi taha ʻo e kau ʻaposetoló. Naʻe ʻikai ha taha ʻe toe ke tataki e Siasí ʻo fakafou ʻi he fakahaá.

Kae ngata ʻi hono fakafoki mai ʻe Sīsū Hono Siasí ʻo fakafou ʻi he …?

Palōfita ko Siosefa Sāmitá!

ʻOku moʻoni ia! Kuo mou takitaha maʻu ha poini ʻe miliona!

Tefito ʻo e Tuí hono 6

“ʻOku mau tui ki he ngaahi lakanga tatau ko ia naʻe fokotuʻu ʻi he Siasí ʻi he kuonga muʻá, ʻa ia ko e kau ʻaposetolo, kau palōfita, kau faifekau, kau akonaki, kau ʻevangeliō, mo e ngaahi lakanga peheé.”