Ko ha Pōpoaki faka-Konifelenisi mei he Palōfitá
‘E Hiki ‘e he Tuí ‘a e ‘Otu Mo‘ungá
Fai ʻe Palesiteni Russell M. Nelson
Toʻo mei he “Kuo Toetuʻu ʻa Kalaisi; ʻE Hiki e Ngaahi Moʻungá ʻi he Tui Kiate Iá,” Liahona, Mē 2021.
Ko e meʻa lelei kotoa pē ʻi he moʻuí—mo e tāpuakí—ʻoku kamata ia ʻi he tui. Naʻe talaʻofa mai ʻe he ʻEikí ʻi he Tohi Tapú, kapau te tau “ʻai [ʻetau] tuí ʻo hangē ko e foʻi tengaʻi mūsitá,” te tau lava ʻo hiki ʻa e ʻotu moʻungá (Mātiu 17:20). Mahalo ko ho ngaahi moʻungá ʻa e ongoʻi liʻekiná, veiveiuá, mahamahakí, pe ko ha ngaahi palopalema kehe.
ʻOku fakafofongaʻi ʻe he tengaʻi mūsitá ha tui siʻisiʻi ka ʻoku tupulaki. ʻOku kamata siʻisiʻi e tupu ʻa e tengaʻi mūsitá ka ʻoku tupu ia ʻo hoko ko ha fuʻu ʻakau lahi ke pununga e fanga manupuná ʻi hono ngaahi vaʻá. ʻOku ou kole atu ke mou kamata he ʻahó ni ke fakatupulaki hoʻomou tuí. Ko ha ngaahi founga ʻeni te ke lava ai ʻo langaki hoʻo tuí mo e falalá.
-
Ako kau kia Sīsū Kalaisi ʻaki hono lau e folofolá. Ako kau ki Heʻene ngaahi maná.
-
Fili ke tui kiate Ia. Fakakaukau kiate Ia ʻi he ʻaho kotoa pē.
-
Ngāue ʻi he tuí. Papitaiso pea maʻu ʻa e sākalamēnití.
-
Kole ki he Tamai Hēvaní ke tokoniʻi koe.
ʻE hiki ʻe hoʻo tui kia Sīsū Kalaisí ʻa e ngaahi faingataʻá. ʻE tokoniʻi koe ʻe he tuí ke liliu e ngaahi faingataʻá ko ha ngaahi faingamālie fakaofo.
Kuo Toe Tu‘u ‘a Sīsū Kalaisi
Tā fakatātā ʻa Jim Madsen
Tā fakatātā ʻa Bryan Beach