Ko e Ngaahi Nima Fietokoni ‘i he funga ʻo e Māmaní

Fe‘iloaki mo Sofi mei Noauē

Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.

Fekauʻaki kotoa mo Sofi

Taʻu: 7

Mei: Noauē

Lea Fakafonuá: Noauē

Fāmilí: Mami, Teti mo e tuongaʻane siʻisiʻi, ko Sēkope

Ngaahi taumu‘á mo e fakaʻānauá:1) Papitaiso ʻi he kahaʻu vave maí.2) Ako ke poto ʻi hono tā ʻo e pianó.3) Fononga ki ha ngaahi feituʻu foʻou.

Ngaahi Nima Fietokoni ʻo Sofí

ʻOku nofo ʻa e ongo kui ʻa Sofí ʻi he veʻe tahí. ʻOku saiʻia ʻa Sofi mo hono kiʻi tuongaʻane ko Sēkopé ke tokoni ki heʻena kui fefiné ʻi hono fakamaʻa e matātahí ʻaki hono tufi fakalelei e ngaahi konga sioʻatá mo e ngaahi meʻa kehé. ʻOkú nau fakapapauʻi ʻoku maʻa mo malu ʻa e matātahí ki he fanga monumanú mo e kakaí fakatouʻosi.

ʻOku pehē ʻe Sofi, “Kuo akoʻi kimautolu ʻe Sīsū ke mau feʻofaʻaki mo fetokoniʻaki. Ko hono tokangaʻi ʻo natulá mo tokoni ke tauhi ia ke maʻa mo malu ki he tangatá mo e fanga monumanú, ko ha founga ia ʻo hono tokoniʻi e niʻihi kehé. ʻI heʻetau tokangaʻi ʻa e ʻātakai ʻoku tau ʻi aí, ʻoku tau tokangaʻi ai ʻa e ʻapi ʻo e kakai kotoa pē. Ko ha tāpuaki maʻongoʻonga ʻa e māmani naʻe fakatupu ʻe he ʻOtuá maʻatautolú!”

Ngaahi Meʻa ʻOku Saiʻia Taha ai ʻa Sofí

Feitu‘u: ʻApi

Talanoa fekauʻaki mo Sīsū: Ko e talanoa ki he ʻaloʻi ʻo Sīsuú

Hiva ‘a e Palaimelí: “Ngaahi Talanoa ʻo e Tohi ʻa Molomoná” (Tohi Hiva ʻa e Fānaú, 62)

Me‘akai: Tako

Lanu: Pingikī

Lēsoni he Akó: PE