Ngaahi Lea FAKALOTOLAHI

ʻI he taimi ʻokú ke faingataʻaʻia aí pe fai ha fehālākí, te ke ala ongoʻi loto-foʻi pe kovi ʻiate koe. Ka ʻoku ʻofa ʻa e Tamai Hēvaní ʻiate koe. ʻOkú Ne kātaki. ʻOkú Ne finangalo ke hokohoko atu hoʻo feingá pea ʻoua ʻe foʻi. Ko Hono finangaló ke ke angaʻofa ki he taha kotoa pē—kau ai mo koe!

‘Oku ‘Ofeina Koe ʻe Sīsū Kalaisi!

Ko ha niʻihi ʻeni ʻo e ngaahi folofola ʻa e Fakamoʻuí ʻe lava ke ne ʻomi ha fakafiemālie kiate koe.

• “‘Oua ʻe manavahē; Te u tokoni‘i koe”( ʻĪsaia 41: 13).

• “Ko ʻeku melinó ʻoku ou foaki kiate kimoutolu. … ‘Oua naʻa mamahi homou lotó” (Sione 14:27).

• “[Pea ʻe] takatakai ʻa kimoutolu ʻe he ʻeku kau ʻāngeló, ke poupouʻi hake ʻa kimoutolu” (Tokāteline mo e Ngaahi Fuakava 84:88).

Tohi ha Kiʻi Nouti kiate Koe

Kapau ʻoku ʻi ai ha meʻa ʻoku fēhalaaki pea ʻokú ke ongoʻi halaia, feinga ke ke tohi ha kiʻi nouti fakalotolahi maʻau!

Ko e meʻa naʻe hokó: Naʻe ʻikai ke sai ʻeku siví.

Ngaahi lea fakalotolahí: Te u lava pē ʻo feinga mo ako. Te u lava ʻo lotu ki ha tokoni, pea ʻe ʻikai te u foʻi.

Ko e meʻa naʻe hokó: Naʻe lea taʻeʻofa mai kiate au hoku kaungāmeʻá.

Ngaahi lea fakalotolahí: ʻOku ʻofa e Tamai Hēvaní ʻiate au. Te u lava ʻo hoko ko ha kaungāmeʻa lelei.

Ko e meʻa naʻe hokó:

Ngaahi lea fakalotolahí:

Ko e meʻa naʻe hokó:

Ngaahi lea fakalotolahí:

“ʻOfa pē. Feinga pē. Falala pē. Tui pē. Hoko atu pē hoʻo tupulakí. ʻOku poupouʻi kimoutolu mei he langí he ʻahó ni, ʻapongipongi pea taʻengata.”

ʻEletā Jeffrey R. Holland ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻE Fai ʻe [he ʻEikí] ha Ngaahi Mana ʻIate Kimoutolu ʻApongipongí na,” Ensign pe Liahona, Mē 2016, 127.