Lima Fesoasoani i le Lalolagi atoa
Feiloai ma Porter mai Polani
Mai se faatalanoaga ma Amie Jane Leavitt.
Feiloai i tamaiti o le Peraimeri o loo fesoasoani atu i isi, e pei ona sa faia e Iesu.
E faatatau Uma lava ia Porter
Tausaga: 10
Mai le: ISA ma e nofo i Polani
Gagana: Igilisi ma o loo aoaoina le faa Farani
Aiga: Tama, Tina, uso Ethan, Mason, ma Connor, ma se taifau e igoa ia Ginger
Sini ma miti: Ia avea o se foma’i manu ma tausia manu.
Lima Fesoasoani a Porter
E vaavaai lava Porter i taimi uma mo mea iti e mafai ona ia faia e fesoasoani atu ai i isi. I le fale, na te fesoasoani i ona matua e fai ni meaai mo le aiga. I le aoga, na te faamautinoaina o loo aofia tagata uma i taaloga, aemaise lava i tamaiti ia e masani ona tuulafoaina. E fesoasoani o ia e tausia ia masini mo le malologa, e tusa lava pe na te lei taalo ai. E na te faia foi mea e fesoasoani ai i manu. O loo auai o ia i se vaega o se kalapu i le aoga e faia ni meataalo mo taifau i fale o manu.
Sa fesoasoani foi Porter e ala i le auai ai i le galuega faatino o le BillionGraves. Sa malaga atu o ia ma lona aiga i se fanuatanu e pue ata o maa faamanatu. O lona uso o Connor na fesoasoani e pue ata. Ona latou utaina lea o ata i luga o le uepisaite o le galuega faatino. O nei ata o le a fesoasoani i tagata i le lalolagi atoa o e o loo saili mo ni faamatalaga i o latou tuaa Polani.
O Mea e Sili ona Fiafia i ai Porter
Nofoaga: Virginia, ISA, ma Hersheypark i Penisilevania, ISA
Tala e uiga ia Iesu: Ina ua Ia Faatoafilemuina le sami
Pese a le Peraimeri: “Ketesemane” (Mati 2018 Uo po o le Liahona)
Meaai: Mandoo (Korea dumplings)
Lanu: Viole
Mataupu i le Aoga: Faitau Tusi ma le matematika
O Porter o loo fesoasoani e pue ata i se fanuatanu mo se galuega faatino o talafaasolopito o aiga i le lalolagi atoa.
Ata na tusia e C. B. Canga