O le a Se Mea o i Lou Mafaufau?

Sa faatoa avea lava lo’u uso ma se tiakono ma e mafai ona tufaina le faamanatuga i le taimi nei. Na ou tomanatu ai: o le a le faiā o le perisitua ia te au o se teine?

—Mafaufauga i Uelese

Friend Magazine, Global 2021/08 Aug

Mafaufauga Pele,

O le perisitua o le mana o le Atua e faamanuia ai ma fesoasoani i Ana fanau uma i le lalolagi. E aofia ai ma oe! E mafai e tama ma alii ona fesoasoani i isi e ala i le auauna atu i tofi o le perisitua e pei o le tiakono po o le epikopo. Ma ua tuuina atu i teine ma tamaitai le pule o le perisitua e auauna atu ai i valaauga e pei o le peresitene o le vasega i Tamaitai Talavou po o le faiaoga o le Peraimeri.

E tutusa lava le taua o tamaitai ma alii i le fuafuaga a le Atua. Po o ai lava oe, o loo i ai sau galuega tele e faia!

O Le Uo

O nisi nei o auala e mafai ona e auauna ai i le Ekalesia. O a isi mea e mafai ona e mafaufau i ai?

• Ia i ai i se au peresitene o le vasega a Tamaitai Talavou

• Avea o se molimau mo se papatisoga

• Fesoasoani i papatisoga o le malumalu

• Alu i se misiona

• Ia i ai i se au peresitene o Tamaitai Talavou po o le Aualofa

• Auauna atu o se tagata faigaluega o le malumalu

O nei teineiti o loo auauna atu i le au peresitene o le vasega a Tamaitai Talavou. E mafai ona e mauaina ni eseesega se valu i le va o ata?

Ata na tusia e Dani Jones