Tausia o A’u Lava!

Friend Magazine, Global 2021/08 Aug

Faamalositino

O a ni au gaoioiga e te fiafia i ai lea e faaminoia oe?

Motugaafa

• Taumafai e taalo i fafo mo se taimi i aso uma.

• Fai ia faafiafiaina! Fai se pati siva, taaalo i se taaloga, pe fai se savali i le natura.

• Afai o loo e nofo mo se taimi umi, fai se malologa e falō ai ma savalivali solo.

“Ma o le a [latou] taufetuli ae le vaivai, ma o le a savavali ae le matapogia” (Mataupu Faavae ma Feagaiga 89:20).

Ia Lava Le Moe

O le a se mea e mafai ona e faia ina ia maua ai se moe lelei i le po?

Motugaafa

• Alu e moe ma ala i le taimi e tasi i aso uma.

• Taumafai ia maua le iva i le sefulutasi itula o le moe i po taitasi.

• Tape au masini pe a ma le itula a o lei moe e fesoasoani ia te oe ia malolo lelei.

“Vave momoe, ina ia outou le vaivai” (Mataupu Faavae ma Feagaiga 88:124).

Taumafa i Meaai Maloloina

O a meaai soifua maloloina e te fiafia i ai?

Motugaafa

• Taumafai e taumafa i se su’ifefiloi paleni o meaai lelei. (Tagai Mataupu Faavae ma Feagaiga 89:10–17 mo faataitaiga.)

• Taumafa i ni meaai mama i ni aofaiga laiti, ma aua nei taumafai e taumafa so’o ai.

• Faatele le inu vai i aso taitasi.

“O mea uma e maua mai le eleele … ua faia … e faamalosi ai le tino” (Mataupu Faavae ma Feagaiga 59:18–19).

Malologa

O le a le mea e te fiafia e fai e maua ai le malologa?

Motugaafa

• Afai e te lagonaina le popole, faanoanoa, po o le ita, ia talanoa atu i se tagata matua faatuatuaina.

• Faaalu se taimi i aso taitasi e malolo ai ma filemu.

• Tatalo i le Tama Faalelagi i aso uma. Tau ia te Ia mea e te faafetai ai ma mea e te manaomia ai le fesoasoani.

“Ina soia, ma ia outou iloa o a’u o le Atua” (Salamo 46:10).

Aloeseina Mai Le Leaga

O nisi mea e lelei mo i tatou, ae o nisi mea e faaleagaina. E mafai ona faaleagaina ai o tatou tino po o le fai ma vaisu ina ia faigata ai ona taofia le faaaogaina. O nisi nei o mea e tatau ona aloese mai ai:

• Tapaa

• Kofe

• E-sikaleti/fa’aasu

• Lauti

• Meainu malolosi

• Fualaau faasaina

Ata na tusia e Josh Talbot

◆ Tagai i le Sau, Mulimuli Mai ia te A’u mo le Mataupu Faavae ma Feagaiga 89–92.