Sau, Mulimuli Mai ia te A’u
Taimi Fiafia i Tusitusiga Paia mo Fanau Laiti
O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.
Mo le Mataupu Faavae ma Feagaiga 85–87: Usu lemu se viiga po o se pese a le Peraimeri. Faataitai le taulai atu i le faalogo ma malamalama i le pese. Fesoasoani i au fanau laiti ia fai mai, “E mafai ona ou faalogo i le Agaga Paia.”
Mo le Mataupu Faavae ma Feagaiga 88: Ia fesoasoani i au fanau laiti e fai mai, “E finagalo le Tama Faalelagi ia ou a’oa’o.” Talanoa i mea lelei tatou te aoaoina i le lotu ma le aoga. Tuu atu i a outou fanau laiti e tusi se mea sa latou aoaoina.
Mo le Mataupu Faavae ma Feagaiga 89–92: Tuu atu i tagata o le aiga e tusi ni ata o auala e tausia ai o latou tino (e pei o le taumafa i meaai maloloina po o le taaalo i fafo). Fesoasoani i au fanau laiti ia fai mai, “E mafai ona ou tausia lo’u tino.”
Mo le Mataupu Faavae ma Feagaiga 93: Ia auauai i le taitaia o tagata o le aiga i lou fale po o se nofoaga i fafo . Afai e pogisa, tuu atu i le taitai e faaaoga se moliuila po o se isi iutaiga malamalama. Talanoa e uiga i le auala e faamanuiaina ai i tatou pe a tatou mulimuli i le Faaola. Fesoasoani i lau fanau laiti ia fai mai, “E mafai ona ou mulimuli ia Iesu Keriso.”
Ata na tusia e Alessia Girasole