Mai le Au Peresitene Sili
O Le Mana o se Faamanuiaga Faaleperisitua
Saunia e Peresitene Russell M. Nelson
Sii mai le “Ia le Faalagolago i le Malosi o le Tino” (Brigham Young saunoaga i le faauuga a le Iunivesite, 23 Ape. , 2009), speeches.byu.edu.
I le tele o tausaga ua mavae, sa ou alu ai i se fonotaga ma isi fomai i se taulaga laitiiti i Mekisiko. I se tasi po, na faafuasei ai ona mai tigaina se tasi o fomai.
E toatele fomai sa i ai iina. Ae matou te lei maua le masini sa matou manaomia e fesoasoani ai i le tagata sa mai. O le falemai na lata ane na sili atu ma le 100 maila (160 km) le mamao. Sa po, ma sa leai se vaalele na mafai ona lele. Na matou manatu e ono oti o ia. O le a se mea e mafai ona tatou faia?
Sa musumusu mai le fomai na mai ma talosagaina se faamanuiaga faaleperisitua. Sa tuu ou lima i luga o lona ulu. Sa ou lagonaina le tau mai e le Agaga Paia ia te au o le a toe maua le malosi o le fomai lea e mai. O le a ia ola ma toe foi saogalemu atu i lona fale. Sa ou tuuina atu ia te ia lenei faamanuiaga i le suafa o le Alii.
O le taeao na sosoo ai, sa toe malosi le fomai. I ni nai aso mulimuli ane, sa mafai ona alu o ia i le fale. Sa matou faafetai atu i le Alii mo lenei faamanuiaga sili ona mataina.
O le lesona sa matou aoaoina sa faigofie lava: “Ia e faatuatua ia Ieova ma lou loto atoa; ae aua le faalagolago i lou lava atamai” (Faataoto 3:5). Na matou maua se aafiaga mo i matou lava. Na matou iloaina e moni.
E moni foi o loo taitai le Atua. E le o faamanuiaga uma e taliina i le auala tatou te mananao ai. E manaomia na o le faateleina o lo tatou faatuatua ia te Ia.
O Le Perisitua e Faamanuia ai A’u
O le mana o le perisitua a le Tama Faalelagi e faamanuiaina ai o tatou olaga i le tele o auala. O kata o loo i lalo ua faaalia ai nisi o faamanuiaga e mafai ona tatou maua uma ona o le perisitua. Oti ese ma tuu e faasaga i lalo. Ona auauai lea e filifili se mea se tasi ma ta’u mai pe na faapefea ona fesoasoani atu ia te oe po o le a fesoasoani atu ai ia te oe i se aso!
-
E mafai ona ou papatiso.
-
E mafai ona ou maua le meaalofa o le Agaga Paia.
-
Toe Taumafai!
-
E mafai ona ou tagofia le faamanatuga.
-
E mafai ona ou maua se faamanuiaga e faamafanafana ai au pe fesoasoani ia te au ia manuia.
-
O le Isi Tagata Taalo e Sosoo Ai
-
E mafai ona ou maua se pepa faataga o le malumalu.
-
E mafai ona ou maua se faamanuiaga faapeteriaka.
-
Toe Taumafai!
-
E mafai ona ou faia papatisoga o le malumalu.
-
E mafai ona ou osia ni feagaiga paia i le malumalu.
-
O le Isi Tagata Taalo e Sosoo Ai
-
E mafai ona valaauina au i se misiona ma auauna atu i valaauga o le Ekalesia.
Ata na tusia e Guy Francis