Uo Pelē,
O lou tino o se meaalofa mai le Tama Faalelagi. Na ia tuuina mai ia i tatou le Upu o le Poto e aoao mai ai ia i tatou le auala e tausia ai ma le maloloina ma le malosi o tatou tino.
E finagalo foi le Tama Faalelagi ia tatou tausia o tatou mafaufau ma agaga. E finagalo o Ia ina ia tatou fiafia ma maloloina i soo se itu! Sue i le itulau 24 e iloa ai le auala e tausia ai oe lava ia. E mafai foi ona e faitauina se tala o loo i le itulau e 42.
Tausia lelei oe lava!
O Le Uo
O Nofoaga o loo Tatou Faitauina Ai le Uo
O Jian Hao, Zi Yue, ma Zi Ying J., e 10, 5, ma le 8 tausaga, e faitau le Uo i le faaPotukale i Pernambuco, Pasila.
Ou te Fia Vaai i le Malumalu
ONoa F., e 8 tausaga, na asiasi atu i le Malumalu o Preston Egelani.
Uo Fou
Sa ou fefe nei ou le faia ni uo fou ina ua matou siitia atu i Korea i Saute. Ina ua ou faitau i le Uo, sa ou vaaia Matt o loo uuina le fu’a Korea i Saute i le gaoioiga “Maua Ai!” (Aperila 2020). Fai mai Matt, “Po o fea lava e te alu i ai i le lalolagi, e tutusa lava le Peraimeri.” Sa ou lagonaina na tau mai e le Tama Faalelagi ia te au e sa’o Matt ma e mafai ona ou alu i le Peraimeri i Korea i Saute ma faia ni uo!
Alice W., 10 tausaga, Gyeonggi-do, Korea i Saute