Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

Faataitaiga Moligao

boy wearing a candle necklace

Mo le Mataupu Faavae ma Feagaiga 85–87

• Usu le “E Pei A‘u o se Fetu” (Tusipese a Tamaiti, 84).

• Na fetalai mai Iesu e tatau ona avea i tatou ma “malamalama” i isi (Mataupu Faavae ma Feagaiga 86:11). O lona uiga e tatau ona avea i tatou ma faataitaiga lelei i tagata uma.

• Tusi se moligao i luga o se fasi pepa ma valivali le mumu o le afi i le pito i luga. Oti ese ma faapipii i lou ofutino pe tautau i lou ua i se manoa, e pei o se ula. Faatasi ai ma lou aiga, ia talanoa e uiga i mea e mafai ona e faia e avea ai ma se faataitaiga lelei.

Fausiaina o se Aiga Fiafia

child stacking up blocks

Mo le Mataupu Faavae ma Feagaiga 88

• Usu le “O Se Lagi Se Aiga,” (Viiga, nu. 179).

• E finagalo le Tama Faalelagi ia tatou “faatuina … o se fale o le Atua” (Mataupu Faavae ma Feagaiga 88:119). E finagalo o Ia ia tatou faia o tatou fale ia paia e pei o le malumalu, lea e mafai ona tatou lagonaina ai le Agaga Paia.

• Faitau le “O Le Malo Taua” i le itulau e 4. Ona fau lea o se fale mai poloka, fasilaau, po o isi aitema e mafai ona e mauaina. O taimi uma lava e te faaopoopo ai se fasi vaega i le fale, ia fai atu se tala e mafai ona e faia e fai ai lou aiga o se nofoaga e lagona ai e le Agaga Paia le taliaina.

Tausia o Au Lava!

girl stretching

Mo le Mataupu Faavae ma Feagaiga 89–92

• Usu le “Ua Tuu Mai e le Alii se Malumalu” (Tusipese a Tamaiti, 73).

• E finagalo le Tama Faalelagi ia tatou tausia lelei o tatou tino. Na Ia tuuina mai ia i tatou le Upu o le Poto e fesoasoani tatou te ola maloloina ai ma fiafia (tagai Mataupu Faavae ma Feagaiga 89:18–20).

• Faitau le tala faatusi paia o loo i le itulau e 42 e aoao ai i le auala na tatou maua ai le Upu o le Poto. Ona fai faatasi lea o le gaoioiga o loo i le itulau e 24.

Maa Faamanatu

child holding a rock

Mo le Mataupu Faavae ma Feagaiga 93

• Usu le “O Au o se Atalii o le Atua” (Tusipese a Tamaiti, 2).

• Sa tatou nonofo faatasi ma le Tama Faalelagi ae tatou te lei o mai i le lalolagi (tagai Mataupu Faavae ma Feagaiga 93:23). O i tatou uma o Ana fanau.

• Sue ni maa lamolemole ma tusi ai le “O oe o se atalii o le Atua” i vali po o ni peni maka. Ona tuu atu lea o maa taitasi i se uo, tagata o le aiga, po o se tasi e te manatu e mafai ona faaaogaina se faamanatu.

Friend Magazine, Global 2021/08 Aug

Ata na tusia e Katy Dockrill