Manome Tanana manerana izao tontolo izao
Fantaro i Animan avy any Côte d’Ivoire
Fantaro ireo ankizy ao amin’ny Kilonga manampy ny hafa, tahaka ny nataon’i Jesoa.
Ny mombamomba an’i Animan rehetra
Taona: 12
Fiteny: frantsay
Tanjona sy nofinofy: 1) Hianatra momba ireo firenena sy kolontsaina hafa. 2) Hanao asa fitoriana amin’ny fotoana feno.
Fianakaviana: Dada, nenikely, ary iray tam-po dimy
Ireo asa fanomezan-tanana ataon’i Animan
Manampy amin’ny famenoana sinin-drano ampiasan’ny ny fianakaviany hanasana i Animan. Manampy ny fianakaviany amin’ny fivarotany koa izy. Mamafa sy manadio ary mameno ny talantalana izy. Marin-toetra amin’ny mpanjifa izy.
Miezaka ny ho ohatra tsara foana i Animan. Indraindray ny olona dia maneso azy noho izy tsy misotro toaka. Ny hafa kosa manohana azy rehefa miaro ny rariny izy. Lazainy fa mahatsapa ho toy ireny nahazo amboara ireny izy rehefa manao ny marina! Diakona i Animan. Tiany ny mizara ny fanasan’ny Tompo satria manampy ny olona hahatsiaro an’i Jesoa izany.
Ireo zavatra tian’i Animan indrindra
Tantara momba an’i Jesoa : Rehefa nivavaka tao amin’ny Sahan’i Getsemane Izy
Hiran’ny Kilonga: “Ireo ankizy maneran-tany” (Bokin-kiran’ny ankizy, 92)
Sakafo: Foutou (mangahazo voatoto sy akondro lahy)
Taranja any an-tsekoly: Frantsay
Sary nataon’i Dani Jones