Mikarakara ny tenako!

Manao fanatanjahan-tena

Inona avy ireo hetsika tianao indrindra mahatonga anao hihetsiketsika?

Paika

• Miezaha milalao any ivelan’ny trano isan’andro.

• Ataovy mahafinaritra izany! Manaova fety handihizana, manaova fanatanjahan-tena, na manaova dia an-tongotra anaty natiora.

• Raha mipetraka ela ianao, dia manaova fiatoana mba haninjirina ny vatana sy handehandehanana.

“Ary hihazakazaka izy ireo fa tsy ho sasatra ary handeha fa tsy ho reraka” (Fotopampianarana sy Fanekempihavanana 89:20).

Manao ampy torimaso

Inona no azonao atao mba hananana torimaso ampy?

Paika

• Mandehana matory ary mifohaza amin’ny ora mitovy isan’andro.

• Miezaha matory mandritra ny adiny sivy ka hatramin’ny iraika ambin’ny folo isan’alina.

• Vonoy ny fitaovanao adiny iray alohan’ny hatoriana mba hanampiana anao hiala sasatra tsara.

“Vonjeo aloha ny fandrianareo mba tsy hahatonga anareo ho reraka” (Fotopampianarana sy Fanekempihavananas 88:124).

Mihinana sakafo ara-pahasalamana

Inona no sakafo ara-pahasalamana tianao indrindra?

Paika

• Miezaha mihinana karazana sakafo tsara mifandanja. (Jereo ny Fotopampianarana sy Fanekempihavanana 89:10–17 hahitana ohatra.)

• Mihinàna sakafo mamy kely, ary miezaha tsy mihinana izany matetika.

• Misotroa rano betsaka isan’andro.

“Ny zavatra rehetra izay avy amin’ny tany … dia natao ho tombontsoa sy … hampahery ny vatana” (Fotopampianarana sy Fanekempihavanana 59:18–19).

Miala sasatra

Inona no tianao atao mba hialana sasatra?

Paika

• Raha miahiahy ianao, na malahelo, na tezitra, dia miresaha amin’ny olon-dehibe azo itokisana.

• Makà fotoana isan’andro mba hipetrahana sy hanginana.

• Mivavaha amin’ny Ray any An-danitra isan’andro. Lazao Azy ny zavatra ankasitrahanao sy izay ilainao fanampiana.

“Mitsahara, ka aoka ho fantatrareo fa Izaho no Andriamanitra.”(Salamo 46:10).

Manalavitra ny ratsy

Misy zavatra sasany mety hanimba ny vatantsika na hahatonga antsika ho lasa miankin-doha ka sarotra be ny manajanona ny fampiasana azy ireny. Ireto misy zavatra sasany tokony hofadianao:

• Sigara

• Kafe

• E-cigarettes/fifohana setroka misy zava-mahadomelina

• Dite

• Zava-pisotro misy alikaola

• Rongony

Sary nataon’i Josh Talbot