Pag-ugmad sa Inyong Hugot nga Pagtuo

Ni Presidente Dallin H. Oaks

Unang Magtatambag sa Unang Kapangulohan

Gikuha gikan sa Facebook, Mar. 15, 2021, facebook.com/dallin.h.oaks.

Ang pagkaadunay hugot nga pagtuo ngadto sa Langitnong Amahan ug sa Iyang Anak, si Jesukristo, makatabang nimo matag adlaw. Unsaon ninyo pag-ugmad ang inyong hugot nga pagtuo?

Luhod ug pag-ampo kada sugod ug human sa matag adlaw, uban sa imong pamilya kon mahimo. Pasalamati ang Langitnong Amahan alang sa tanan ninyo nga panalangin, labi na sa Iyang Anak, si Jesukristo.
Pagtuon sa mga kasulatan kada adlaw.
Bag-oha ang imong mga pakigsaad pinaagi sa pag-ambit sa sakramento.
Sunda ang mga sugo ug paghinulsol sa inyong mga sala.
Sunda ang propeta.

Samtang buhaton ninyo kini nga mga butang, ang inyong pagtuo molambo. Ang Balaang Espiritu mogiya ninyo subay sa dalan sa pakigsaad balik ngadto sa inyong langitnong panimalay.

Pang-ugmad nga mga Bloke sa Hugot nga Pagtuo

Ang pagsunod sa propeta usa sa mahinungdanon nga paagi sa pag-ugmad sa inyong hugot nga pagtuo. Pagsulat og lain nga mga pamaagi diha sa mga porma. Dayon guntinga kini ug sunda ang sundanan sa pagtukod og templo.

Paghulagway pinaagi ni Mark Robison