Unsay anaa sa Imong Hunahuna?

Aduna koy pipila ka pangutana kabahin sa Simbahan nga naghasol gayod kanako. Unsay akong buhaton?

—Nahasol sa Trinidad

Minahal nga Nahasol,

Dili sayop ang pagka-adunay mga pangutana. Kabahin kana sa pamaagi sa atong pagkat-on, pagtubo, ug pag-angkon og pagpamatuod. Apan importante ang pagpangita og mga tubag gikan sa mga dapit nga kasaligan nimo. Ania ang pipila ka mga butang nga imong mahimo aron makakaplag og maayo nga mga tubag sa imong mga pangutana. Ang Langitnong Amahan motabang kanimo sa imong mga pangutana. Nahigugma Siya kanimo! Ug kami usab.

Ang Higala

Mag-ampo.

Sultihi ang Langitnong Amahan mahitungod sa imong mga pangutana ug hangyoa Siya sa pagtabang kanimo.

Pangutana sa usa ka ginikanan o lider.

Pakigsulti og usa ka tawo nga adunay pagpamatuod. Makatabang sila kanimo sa pagpangita og maayong mga dapit aron mangita og mga tubag, sama sa mga kasulatan o sa ChurchofJesusChrist.org.

Paminaw sa Espiritu Santo.

Bantayi kon unsa ang imong bation kon mag-ampo ka, moadto sa simbahan, o motabang sa uban. Usa ka paagi nga ang Langitnong Amahan makigsulti kanato mao ang malinawon, malipayon nga mga pagbati gikan sa Espiritu Santo.

Ayaw paghunong.

Hinumdomi nga OK ra kon dili ka makadawat og tubag diha-diha dayon. Ang Langitnong Amahan motudlo kanato sa hinay-hinay. Padayon sa paghimo og maayong mga butang ug salig nga Siya motabang kanimo.

Mga paghulagway pinaagi ni Maryssa Dennis